Xalqaro Yunesko tashkilotining Parij shahridagi qarorgohida, Islom hamkorlik tashkiloti Bosh kotibi Doktor Yusuf Usaymin va Birlashgan millatlar tashkiloti huzuridagi Ta’lim, fan va madaniyat masalalari bo‘yicha xalqaro “Yunesko” tashkilotining Bosh direktori Irina Bokova o‘rtasida o‘zaro suhbat bo‘lib o‘tdi.

Uchrashuvda bir qator xalqaro va mintaqaviy masalalar: hozirgi tahlikali vaziyatda madaniy merosni muhofaza qilish, terrorizm va ekstremizmga barham berish, tinchlik va osoyishtalikni saqlash, dinlar va madaniyatlar o‘rtasidagi o‘zaro hamkorlik aloqalarini mustahkamlash borasida fikr almashildi.

Shuningdek, tomonlar islomofobiyaning salbiy oqibatlari hamda uning keng tarqalishini bartaraf etish masalasiga ham to‘xtalib o‘tishdi. Uchrshuvda, ikki tashkilot o‘rtasida 1979 yilda imzolangan hamkorlik bitimini yangilash, tashkilotlar o‘rtasidagi hamkorlikni mustahkamlash va ikki tomon uchun muhim bo‘lgan bir qator masalalar borasida ham kelishib olishdi.

Xalqaro aloqalar bo‘limi xodimi

Ilyosxon AHMЕDOV

tayyorladi