Sayt test holatida ishlamoqda!
20 Oktabr, 2025   |   28 Rabi`us soni, 1447

Toshkent shahri
Tong
05:22
Quyosh
06:40
Peshin
12:13
Asr
15:52
Shom
17:39
Xufton
18:51
Bismillah
20 Oktabr, 2025, 28 Rabi`us soni, 1447
Yangiliklar

“Imom Termiziy ilmiy merosining islom sivilizatsiyasida tutgan o‘rni” mavzusidagi xalqaro ilmiy anjuman

23.09.2024   8741   2 min.
“Imom Termiziy ilmiy merosining islom sivilizatsiyasida tutgan o‘rni” mavzusidagi xalqaro ilmiy anjuman

Axborot xati

O‘zbekiston Respublikasi Prezidentining 2024 yil 15 avgustdagi PQ-292-sonli “Imom Termiziy tavalludining 1200 yilligini keng nishonlash to‘g‘risida”gi Qarorining ijrosini ta’minlash maqsadida Termiz shahrida “Imom Termiziy ilmiy merosining islom sivilizatsiyasida tutgan o‘rni” mavzusidagi xalqaro ilmiy anjumani 2024 yil 17-18 oktyabr kunlari o‘tkaziladi.

Anjumanda quyidagi mavzular muhokama qilinadi:

  • Termiz hadis maktabi;
  • Imom Termiziy hayoti va ilmiy merosi;
  • Imom Termiziyning hadis ilmi rivojida tutgan o‘rni;
  • Imom Termiziyning “Sunan” nomli asarining o‘ziga xos jihatlari;
  • Hakim Termiziyning hayoti va ilmiy merosi;
  • Hakim Termiziyning hadis ilmida tutgan o‘rni;
  • Termiziy allomalar ilmiy merosi va ularning hozirgi kundagi ahamiyati.

 

Xalqaro ilmiy anjumanda ishtirok etish hamda maqola va ma’ruza taqdim qilish tartiblari:

Maqolalar elektron shaklda taqdim qilinadi. Maqola matni MS OFFICE WORD dasturi, Times New Roman shrifti, 12 kegel kattaligi, asosiy matni 1,5 interval varaqning chap tomonidan 3 sm, o‘ngdan 1,5 sm, yuqori va pasti 2 smda bo‘lishi lozim. Matn 7000 so‘zdan (foydalinilgan adabiyotlar bilan) oshmasligi lozim. Sarlavhadan so‘ng o‘zbek, rus, ingliz tillarida qisqacha annotatsiya (200-250 so‘z) va kalit so‘zlar berilishi shart. Matnlarda havola (snoska)lardagi adabiyotlar to‘liq yozilishi va har bir sahifa ostida ko‘rsatilishi kerak. 

Sahifaning birinchi qatorda: ma’ruzachining ismi sharfi; ikkinchi qatorda: tashkilot, lavozim, ilmiy daraja va unvoni, shahar va mamlakat nomi; uchinchi qatorda: muloqot telefonlari, joy kodi bilan elektron manzil ko‘rsatiladi. So‘ngra 1 interval qoldirilib, maqolaning nomi bosh harflar bilan yoziladi. 

Maqolaning to‘liq matnlarini yuborish muddati: 05.10.2024

Anjuman joyi va sanasi Termiz shahri 2024 yil 17-18 oktyabr kunlari.

Maqolalarni ushbu elektron manzilga jo‘natilishi so‘raladi:

termiziycenteruz@gmail.com  telegram: @imomtermiziy2024 Tel:+88888888

Manzil: 190108, Termiz shahri, Shimoliy darvoza 3-uy, Imom Termiziy xalqaro ilmiy-tadqiqot markazi.

MAQOLA
Boshqa maqolalar
Yangiliklar

Saudiya Arabistoni podshohligi haj va umra vazirligi xabari!

20.10.2025   1425   1 min.
Saudiya Arabistoni podshohligi haj va umra vazirligi xabari!

Saudiya Arabistoni Haj va umra vazirligi “Haj – 2026” mavsumida ziyoratchida “Nusuk” platformasidan olingan tibbiy sog‘lomlik to‘g‘risida guvohnoma bo‘lgan taqdirda unga haj vizasi berilishi haqida bayonot e’lon qildi.

Saudiya Arabistoni Sog‘liqni saqlash vazirligi haj safari bilan shug‘ullanuvchi vazirlik va idoralarga har bir ziyoratchini sinchkovlik bilan tibbiy ko‘rikdan o‘tkazish va haj safariga borish layoqatiga mos kelmaydigan kasallik bor-yo‘qligini aniqlash majburiyatini yukladi. Bu talab hojilar xavfsizligi va salomatligini ta’minlashga qaratilgan.

Haj-2026 hojilari diqqatiga:
Tibbiy ko‘riklardan o‘tmasdan va tegishli guvohnoma olmasdan haj vizasini rasmiylashtirish imkoni yo‘q.
Bayonotda, quyidagi kasalliklarga chalingan ziyoratchilar haj safariga yuborilmasligini ma’lum qildi:

Dializ talab qiladigan buyrak yetishmovchiligi;

Minimal jismoniy yuklamada ham namoyon bo‘luvchi yurak yetishmovchiligi;

Davriy yoki doimiy ravishda kisloroddan foydalanishni talab qiluvchi o‘pkaning surunkali kasalliklari;

Jigar yetishmovchiligi belgilari bilan kechuvchi jigar sirrozining og‘ir bosqichi;

Og‘ir ruhiy va nevrologik buzilishlar;

Qarilik demensiyasi kasalliklari;

Homiladorlikning oxirgi uch oyi, shuningdek, yuqori xavfga ega bo‘lgan har qanday homiladorlik;

Faol yuqumli kasalliklar (shu jumladan, silning ochiq shakli, gemorragik isitmalar va hokazo);

Kimyoterapiya yoki boshqa immunitetni susaytiruvchi muolajalardan o‘tayotgan faol onkologik kasalliklar;
Saudiya Haj vazirligining mazkur talablari buzilgan yoki yolg‘on ma’lumot berilgan taqdirda, Haj vazirligi tomonidan chora ko‘rilishi bildirilgan.

“Haj” va “Umra” tadbirlarini tashkil etish va o‘tkazish bo‘yicha Respublika jamoatchilik kengashi ziyoratchilarni ushbu talablarga to‘liq amal qilishga chaqiradi, hamda ushbu talablar haj ishtirokchilarining hayotini va salomatligini saqlashga qaratilganini ma’lum qiladi.

O‘zbekiston musulmonlari idorasi 
Haj va Umra markazi

Dunyo yangiliklari