Sayt test holatida ishlamoqda!
06 Yanvar, 2026   |   17 Rajab, 1447
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:49
Peshin
12:34
Asr
15:28
Shom
17:13
Xufton
18:31
Bismillah
06 Yanvar, 2026, 17 Rajab, 1447
Avvalgi sayt
#search
 YouTube

Allohim, musulmonlarning gunohini mag‘firat etgin

11.11.2024   6225   1 min.
Allohim, musulmonlarning gunohini mag‘firat etgin

Alloh taolo bunday marhamat qiladi: “Bas, bilgin: Allohdan o‘zga ibodatga sazovor zot yo‘q, o‘zingning, mo‘minlarning va mo‘minalarning gunohlari mag‘firat qilinishini so‘ra”... (Muhammad surasi, 19-oyat).

Uboda ibn Somit roziyallohu anhudan rivoyat qilinadi. Rasululloh sollallohu alayhi vasallam: “Kimki mo‘min va mo‘minalar haqqiga istig‘for aytsa, Alloh unga har bir mo‘min va mo‘mina hisobida bittadan yaxshilik yozadi”, deganlar.

Demak, agar siz biror (tanigan va tanimagan) mo‘min-mo‘minaning haqqiga istig‘for aytsangiz, Alloh taolo buning evaziga o‘sha mo‘min va mo‘mina nomidan sizga savob (yaxshilik) yozadi.

Alloh taolo boshqa oyatda bunday marhamat qiladi: “Ey Robbimiz, meni, ota-onamni va mo‘minlarni hisob qilinadigan kuni mag‘firat aylagin” (Ibrohim surasi, 41-oyat).

Allohim Odam alayhissalomdan to Qiyomatga qadar keladigan jamiki mo‘min-musulmonlarning gunohlarini mag‘firat etgin.

Davron NURMUHAMMAD

 

 

Boshqa maqolalar
Yangiliklar

Namangan viloyatiga yangi bosh imom-xatib tayinlandi

29.12.2025   11881   1 min.
Namangan viloyatiga yangi bosh imom-xatib tayinlandi

Xabar berganimizdek, bugun O‘zbekiston musulmonlari idorasi raisi, muftiy Shayx Nuriddin Xoliqnazar hazratlari raisliklarida Ulamolar Kengashining kengaytirilgan yig‘ilishi o‘tkazildi. Unda bir necha masalalar qatori Namangan viloyati bosh imom-xatibi Musoxon qori Abbosiddinov boshqa ishga o‘tishi munosabati bilan vazifasidan ozod etilgani, Namangan shahar bosh imom-xatibi vazifasida mehnat qilayotgan Abdulloh domla Samadov Namangan viloyati bosh imom-xatibi etib tayinlangani e’lon qilindi. 

Abdulloh domla Samadov 1972 yili Namangan shahrida tavallud topgan. 1998 yilda Imom Buxoriy nomidagi Toshkent islom institutini tamomlagan. Namangan shahridagi “Boqi Polvon” jome masjidi imom-xatibi va shahar bosh imom-xatibi vazifalarida ishlab kelgan. 

Alloh taolodan yangi vazifaga tayinlangan Abdulloh domla Samadovga mas’uliyatli va sharafli faoliyatida muvaffaqiyatlar tilaymiz. 

O‘zbekiston musulmonlari idorasi
Matbuot xizmati

O'zbekiston yangiliklari
#logo