Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Ba’zi odamlar «Allohning biror valiysi bizga nazar solsa, ko‘ngliga yaqin tutsa, nuridan bersa va buning natijasida gunohlardan xolos bo‘lsak», deb o‘ylaydi. Yodda tuting, bu ish hech qachon bo‘lmaydi! Kim shunday xayol qilsa, u aldovdadir. Agar shunday bo‘lganda edi, dunyoda bitta ham kofir qolmagan bo‘lardi.

Mavlono Ashraf Ali Tahonaviy qoddasallohu sirrohning huzurlariga bir kuni bir janob kelib: «Hazrat! Biroz nasihat qiling», dedi.

Hazrat nasihat qildilar. Keyin u janob jo‘nab ketayotib «Hazrat, menga siz o‘zingizning ko‘ksingizdan biror narsa bering», deya o‘tina boshladi. Ya’ni, ko‘ksingizdan biror nur chiqib, bizning ko‘ksimizga kirsa va natijada ishlarimiz o‘ngidan kelsa, gunohlar xohishi tugab ketsa, demoqchi edi.

Shunda hazrat: «Ko‘ksimdan nima berayin? Mening ko‘ksimda balg‘am bor. Kerak bo‘lsa olib qol», deb javob berdilar.

Biror ulug‘ zotning nazari tushsa yoki ko‘ksidan biror narsa o‘tsa, barcha yomonliklar bartaraf bo‘ladi, degan o‘y bekordir. Albatta, Alloh taolo ulug‘ zotlarning suhbatini ta’sirli qilib qo‘ygan, u orqali insonning o‘y-fikri o‘zgaradi. Buning natijasida to‘g‘ri yo‘lda yuradi. Lekin ishni aynan o‘zi o‘z xohishi ila qilishi shart.

«Nasihatlar guldastasi» kitobidan