Robi’a ibn Ka’b Aslamiy roziyallohu anhudan rivoyat qilinadi: «Men ko‘pincha Rasululloh sollallohu alayhi vasallam bilan birga tunab qolar edim. Bir kuni u zotga tahorat suvi va boshqa kerakli narsalarni olib keldim. U zot menga «So‘ra», dedilar. «Jannatda siz bilan hamroh bo‘lishni so‘rayman», dedim. «Bundan boshqa narsani emasmi?» dedilar. «Yo‘q, shuning o‘zini», degan edim, «Unda ko‘p-ko‘p sajda qilib, bu ishda menga yordam bergin», dedilar» (Imom Muslim rivoyati).
Buning ma’nosi «Alloh so‘ragan narsangni ro‘yobga chiqarishi uchun menga yordam berib, farz va nafl namozlar o‘qib, ko‘p sajda qil. Ana shu sajdalar jannatga kirib, menga hamroh bo‘lishingga vasila bo‘ladi», deganidir.
Abdulloh Abdulmu’tiy, Huda Sa’id Bahlulning
“Qulog‘im senda qizim” kitobidan G‘iyosiddin Habibulloh, Abdulhamid Umaraliyev tarjimasi.
#xabar #haj2025
Bugun kechqurun 15 ming o‘zbekistonlik ziyoratchilar Makkai mukarramadagi mehmonxonalardan haj ibodatining asosiy amallarini bajarish uchun Mino vodiysiga yo‘l oladilar.
Aytish joizki, bugungi kungacha O‘zbekiston ishchi guruhi vakillari tomonidan ziyoratchilarimiz ulug‘ ibodatni bekamu ko‘st ado etishlari uchun Mino, Arofat va Muzdalifa vodiylarida barcha shart-sharoitlar to‘liq tayyor holatga keltirilgan.
Ayni maqsadda ishchi guruhi va shifokorlarning ma’lum a’zolari mazkur muborak vodiylarda bir muddat oldin borib, ziyoratchilarimizni kutib olishga shay bo‘lib turibdilar.
Xususan, bu yil, O‘zbekiston tomonining talabiga muvofiq, Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘ralgan, sovutish tizimi o‘rnatilgan, gilam va to‘shaklar solingan. Bu hozirgi yoz kunlarida ziyoratchilarga qo‘shimcha qulaylik yaratadi.
Shuningdek, barcha sharoitlarga ega tibbiyot markazlari, 3 mahal issiq ovqat va 24 soat davomida choy va salqin ichimliklar bilan ta’minlash yo‘lga qo‘yiladi. Arafotda Muzdalifada foydalanish uchun hojilarga maxsus to‘shak va soyabonlar tarqatish rejalashtirilgan.
Ayni paytgacha soha rahbarlari tomonidan ishchi guruhi a’zolari, ellikboshilar va shifokorlar jamoasiga haj jarayonlarini namunali boshqarish, belgilangan tartiblarga rioya etish va shar’iy masalalar haqida batafsil tushuntirildi.
O‘zbekiston musulmonlari idorasi
Matbuot xizmati