Savol: Ayollar ham xatm qilish uchun taroveh namozini jamoat bo‘lib o‘qishlari mumkinmi?

Javob: Bismillahir Rohmanir Rohiym. Ayollarning Qur’onni xatm qilish maqsadida tarovehni jamoat bo‘lib o‘qishlari makruh hisoblanadi. Ayollar uchun bu borada eng maqbul yechim uyida o‘zi taroveh namozini o‘qiydi. Kuchi yetgunicha Qur’oni karimni o‘qib, xatmini ham qilib boraveradi. Qolaversa, ayollarni namozi haqida Nabiy sollallohu alayhi vasallam bunday deganlar: “Ayol kishining hovlisidagi namozidan uydagi namozi afzaldir. Uning uydagi namozidan o‘ziga xos xonasidagi namozi afzaldir” (Imom Abu Dovud va Imom Bazzor rivoyati). Vallohu a’lam.

O‘zbekiston musulmonlari idorasi
Fatvo markazi.