Joriy yil 24-25 fevral kunlari O‘zbekiston musulmonlari idorasi Fatvo markazi direktor o‘rinbosari G‘ulomiddin Xolboyev va markaz bosh mutaxassisi Hikmatilla Toshtemirov Turkiya davlatida bo‘lib, Turk davlatlari tashkiloti (TDT) Musulmon diniy idoralari Fatvo hay’ati tadbirida ishtirok etishdi. 
 

“Miya o‘limiga oid hukmlar”, “Ayolning mahramsiz safar qilishi”, “Norasmiy nikohni bekor qilish” kabi masalalarning yechimi mavzusida o‘tkazilgan mazkur yig‘ilishda O‘zbekiston, Qozog‘iston, Qirg‘iziston, Ozarbayjon, Turkiya ulamolari, dinshunoslar, islomshunoslar hamda jurnalistlar qatnashdi. 

“Ayolning mahramsiz safar qilishi” mavzusida boshqa ishtirokchilar qatorida O‘zbekiston musulmonlari idorasi Fatvo markazi vakili G‘ulomjon Xolboyev ham so‘zga chiqdi. 

Kunning ikkinchi yarmida “Norasmiy nikohni bekor qilish” mavzusi ko‘rib chiqilib, Hikmatilla Toshtemirov bu mavzuning kun tartibiga kelish sabablari, muammolar haqida gapirib, so‘zi oxirida manbalarga tayangan holda uning yechimini taklif etdi.

Shuningdek, “Miya o‘limi bilan bog‘liq masalalar” mavzusida ham vakillarimiz  faol ishtirok etishdi. 

O‘zbekiston musulmonlari idorasi

Matbuot xizmati