Ro‘za tutish insonning qandli diabet kasaliga chalinmasligiga sabab bo‘ladi. Doktor Ahmad Fanjariy aytadi: “Ro‘za tutganda qondagi qand(shakar) miqdori eng past darajagacha tushadi. Bu esa oshqozon osti bezi faoliyatini me’yoriga keltiradi. Ma’lumki, oshqozon osti bezi insulin ishlab chiqaradi. Bu qand moddasini tindirib yog‘ga aylantiradi va to‘qimalarda to‘playdi. Agar ortiqcha ovqat iste’mol qilinsa, oshqozon osti bezi faoliyati buzilib, o‘z vazifasini bajara olmaydi. Natijada, qondagi qand miqdori ortib, vaqt o‘tgan sari qandli diabet kasalligini paydo qiladi. Oshqozon osti bezining me’yorda ishlashi va qandli diabet kasalligining oldini olinishida ro‘zaning o‘rni beqiyosdir”.

Ro‘za tutish bilan qon va teridagi suv miqdori kamayadi. Natijada:

• terining mikroblarga qarshi immunitetni oshiradi;
• teridagi o‘tkir yallig‘lanishlarni va ularning tarqalishini kamaytiradi;
• allergiya va yuzdagi toshmalarni quritadi;
• Ichaklar faoliyatini yaxshilaydi va teridagi chipqonlarni yo‘qotadi.

Tibbiyot mutaxassislari tadqiqotlar natijasida ro‘zaning “Ekzema”(teri kasalligi, terida pufakchalar hosil bo‘lishi, qo‘tir-qo‘tir va katta-kichik po‘st paydo bo‘lishi bilan kechadi) va “Podagra”(moddalar almashinuvi buzilganda uchraydigan kasallik. Bu kasallik ko‘p ovqatlanish va vazn ortib ketishi tufayli kelib chiqadi) kasalliklariga eng yaxshi muolaja bo‘lishini aniqlaganlar.

Davron NURMUHAMMAD