Mulla Ali Qoriy:
“E’tiqod qilish lozim bo‘lgan narsalar haqida bahs qilinadi ilm”.
Ahmad ibn Muhammad Miknosiy:
“Yaqiniy – o‘ta ishonchli dalillardan aqiydalarni kasb qiladigan ilm”.
Abdurrohman Iyjiy:
“Hujjatlar keltirish, shubhalarni rad qilish yo‘li bilan aqiydalarni isbot qilishga qodir bo‘ladigan ilm”.
Imom Abu Homid G‘azzoliy:
“Tavhid idrok etiladigan, Alloh subhanahu va taoloning zoti va sifatlari bilinadigan ilm”.
Sharif Jurjoniy:
“Islom qonuni asosida Alloh taoloning zoti va sifatlari haqida hamda boshlanish va qaytarilish kabi mumkinotlar ahvoli haqida bahs qilinadi ilm”.
Ulashing: @AhliSunnaValJamoaUz
Xabaringiz bor, O‘zbekiston musulmonlari idorasi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblari uchun qiroat darslari yo‘lga qo‘yilgan edi.
Shu munosabat bilan joriy yil 15 dekabr kuni Farg‘ona, Jizzax va Qashqadaryo viloyatlarida qiroat darslarining ilk mashg‘ulotlari bo‘lib o‘tdi.
"Qur’on va tajvidni o‘rgatish" va Masjidlar bilan ishlash bo‘limlari hamkorligida tashkil etilgan ushbu darslarda Abdulloh qori Haydarov Jizzax viloyatida, Abdusamad qori Mamasoliyev Qashqadaryo viloyatida va Abdulbosit qori Eshqobilov Farg‘ona viloyatida amaliy mashg‘ulotlarni olib bormoqda.
O‘zbekiston musulmonlari idorasi
Matbuot xizmati