Shu yil 15 yanvar kuni Pop tumanida viloyat bosh imom-xatibi Abdulloh domla Samatov rahbarligida tuman masjidlari imom-xatib va imom-noiblari ishtirokida sayyor yig‘ilish bo‘lib o‘tdi.
Yig‘ilishda diniy sohada amalga oshirilayotgan islohotlar, imom-xatiblikning sharafli va mas’uliyatli vazifalari, zamon talabiga mos faollik, doimiy o‘z ustida ishlash va mo‘min-musulmonlar ehtiyojlariga xizmat qilish masalalariga urg‘u qaratildi.
Shuningdek, ish intizomi, funksional vazifalarga rioya qilish, kiyinish madaniyatida shaxsiy namuna bo‘lish, fuqarolarni qabul qilish sifatini oshirish, MFYlar bilan hamkorlikni kuchaytirish hamda yoshlar tarbiyasi va ma’rifatga e’tibor qaratish ta’kidlandi.
Uchrashuv yakunida yosh imomlarga kasbiy faoliyatda muvaffaqiyatlar tilab, bilim va malakasini muntazam oshirib borish zarurligi qayd etildi.
O‘zbekiston musulmonlari idorasi
Namangan viloyati vakilligi
Matbuot xizmati
Bismillahir Rohmanir Rohiym
Varshavada muborak Ramazon oyiga bag‘ishlangan vatandoshlar uchrashuvi bo‘lib o‘tdi
O‘zbekiston elchixonasi O‘zbekiston musulmonlari idorasi vakillari bilan birgalikda Varshavada mamlakatimiz vatandoshlari uchun ma’naviy-ma’rifiy uchrashuv tashkil etdi, deb xabar beradi “Dunyo” axborot agentligi.
Mazkur tadbirda Polshada istiqomat qiluvchi va tahsil olayotgan vatandoshlar ishtirok etdi.
Ishtirokchilar muborak Ramazon oyining inson hayotidagi ahamiyati, shuningdek, minnatdorchilik, sabr-toqat, bag‘rikenglik va o‘zaro hurmat kabi fazilatlarning ahamiyati haqida fikr almashdilar.
Bundan tashqari, vatandoshlar ushbu muborak kunlarda o‘zlariga ko‘rsatilgan e’tibor va g‘amxo‘rlik uchun samimiy minnatdorchilik bildirishdi va eng yaxshi ezgu tilaklarini muhtaram Yurtboshimiz va barcha O‘zbekiston xalqiga yetkazishni so‘rashdi.
Ushbu uchrashuvning vatandoshlar o‘rtasida birdamlikni mustahkamlashga va milliy va ma’naviy qadriyatlarni asrashga hissasini qo‘shishligi ta’kidlandi.
I.Ahmedov tayyorladi.