Kitob tumanidagi Xoja Buxoriy o‘rta maxsus islom ta’lim muassasasida taniqli ulamo, ko‘p yillar davomida diniy-ma’rifiy sohada fidokorona xizmat qilgan Shayx Yusufxon to‘ra Shokirov tavalludining 100 yilligiga bag‘ishlangan ma’naviy-ma’rifiy tadbir bo‘lib o‘tdi.

Tadbirning muhim jihatlari:
 

– Anjumanda allomaning farzandi, ko‘p yillar diniy sohada samarali mehnat qilgan Muhammad Akmalxon domla Shokirov ishtirok etdi.

– Ta’lim muassasasi mudiri O‘tkir G‘uzarov Shayx hazratlarining ilm-fan va ma’rifat rivojiga qo‘shgan beqiyos hissasini alohida qayd etdi.

– Muhammad Akmalxon domla otalarining hayot yo‘li, ilmga bo‘lgan ixlosi va jamiyat manfaati yo‘lidagi ibratli faoliyati haqida so‘zlab berdi.

Tadbir davomida talabalarga:

– Ilm olishning yuksak maqomi;

– Odob-axloq me’yorlariga rioya qilish;

– Ilm sohibiga xos mas’uliyatni his etish borasida qimmatli nasihatlar berildi.

Tadbir yakunida Qur’on tilovat qilinib, o‘tganlar haqiga duolar qilindi.

Ezgu niyatlar bilan yurtimiz tinchligi va xalqimiz farovonligi so‘raldi.

Xojabuxoriy.uz