Saudiya Arabistonida astronavtlarni koinotga uchishga o'rgatish dasturi boshlandi. Bu haqda mamlakat Axborot agentligi Qirollik Koinot boshqarmasiga tayanib xabar berishicha, birinchi ekipaj 2023 yilda uchishi reja qilinmoqda.
Qayd etilishicha, astronavtlar orasida ayol kishi ham bo'ladi, uning parvozi ushbu arab mamlakati uchun tarixiy sanaladi.
Agentlik ma'lumotlariga ko'ra, kosmik dasturning maqsadi “qisqa va uzoq muddatli kosmik parvozlar uchun kadrlar tayyorlash, xalqaro ilmiy tadqiqotlarda ishtirok etish va kosmik sektor taqdim etayotgan barcha imkoniyatlardan maksimal darajada foydalanish”dir.
Eslatib o'tamiz, 2030 yilgacha iqtisodiyotni qayta qurish va neftga qaramlikni kamaytirish bo'yicha keng ko'lamli amalga oshirilayotgan strategik ishlar doirasida Saudiya Arabistoni ilm-fan va texnologiyani faol rivojlantirmoqda. Mamlakat valiahd shahzodasi Muhammad bin Salmon tomonidan qo'llab-quvvatlangan reja ayollarni ham ish kuchiga ko'proq jalb etishni talab qiladi. 2018 yilda Saudiya Arabistoni ayollarning avtomobil haydashiga nisbatan uzoq yillar davomida qo'yib kelingan taqiqni bekor qildi.
Shuningdek, kosmosga chiqqan birinchi arab Saudiya Arabistoni shahzodasi Sulton bin Salmon, valiahd shahzodaning ukasi va havo kuchlari uchuvchisi edi. U 1985 yilda NASA Diskoveri ekipajining bir qismi edi. Keyinchalik u 2018 yildan 2021 yilgacha Saudiya Arabistoni kosmik komissiyasi rahbari lavozimida ishlagan.
Halqaro aloqalar bo'limi
#xabar #umra
Avvalroq taniqli va tajribali ulamo, Toshkent shahridagi "Siroj solih" jome masjidi imom xatibi, Toshkent islom instituti o‘qituvchisi Hasan domla Qodirov ellikboshi sifatida umra safariga borishi va u kishiga hamroh bo‘lishni istaganlarga fursatni qo‘ldan boy bermaslik haqida e’lon bergandik (https://t.me/hajumrauz/7580).
Vanihoyat o‘sha lahzalar yetib keldi. Bugun, 24 avgust kuni “Umra – 2025/2026” mavsumining navbatdagi guruh ziyoratchilari Hasan domla Qodirov va boshqa tajribali ulamolar ellikboshiligida Toshkent xalqaro aeroportidan Saudiya Arabistoniga jo‘nab ketdi. Safar davomida ziyoratchilarimiz ibodat va ziyoratlarni go‘zal tarzda ado qilish bilan birga ulamolarimizning ta’sirli mav’izalaridan bahramand bo‘ladilar, insho Alloh.
240 nafar hamyurtimiz Toshkent xalqaro aeroportidan "Uzbekistan Airways" havo kemasi orqali Jidda shahriga yo‘l oldi.
Ma’lumot o‘rnida yurtdoshlarimiz dastlab Madina shahrida 3 kun, so‘ngra Makka shahrida 7 kun muborak ziyoratda bo‘ladi.
Shuningdek, ziyoratchilar Madinada “Grand Shahba”, Makka shahrida esa “Al-Ayyam Elite” va “Marmara Hotel” kabi zamonaviy mehmonxonalarda istiqomat qilishadi. Ularga 3 mahal issiq ovqat, shirinlik va sarxil mevalar tortiq qilinadi.
Umra safari davomida ziyoratchilarga tajribali ishchi guruhi, malakali shifokorlar hamrohlik qiladi.
Bundan tashqari, Makka va Madina shaharlarida muborak joylarni ziyorat qilish bilan birga Jidda shahridagi Qizil dengizga sayohatga ham olib boriladi.
Alloh taolo hamyurtlarimizning safarlarini xayrli qilib, Baytulloh yonida duo qilishni barchamizga nasib etsin!
O‘zbekiston musulmonlari idorasi
Matbuot xizmati