Qozog'iston poytaxtida yangi masjid oldida 300 metrlik favvorali xiyobon paydo bo'ladi, deb xabar bermoqda Nur-Sulton shahar ma'muriyati matbuot xizmati.

islam.ru ma'lum qilishicha, ushbu yangi masjid Qozog'iston va butun Markaziy Osiyodagi eng katta masjid bo'lib, gumbazining balandligi 90 metr, minoralari 130 metr,  masjid sig'imi 30 ming kishigacha etadi.

Masjid qurilishi va hududni obodonlashtirish ishlari homiylar va xayriya mablag'lari hisobidan amalga oshirilmoqda.

Yangi masjid oldida hozirda obodonlashtirish ishlari olib borilmoqda. Ushbu jamoat maydoni fuqarolar va shahar mehmonlari uchun qulay dam olish maskaniga aylanadi.

Favvora bo'ylab soyabonlari va kichik me'moriy shakllar o'rnatiladi.

O'zbekiston musulmonlari idorasi Matbuot xizmati