Салоҳиддин домла Гадоев

Эй, мўминлар! Агар сизларга бирор фосиқ кимса хабар келтирса, сизлар (ҳақиқий аҳволни) билмаган ҳолингизда бирор қавмга азият етказиб қўйиб, (кейин) қилган ишларингизга пушаймон бўлмаслигингиз учун (у хабарни) аниқлаб (текшириб) кўрингиз!

(Ҳужурот сураси, 6-оят).

"Ҳувайдо" жоме масжиди имом-хатиби

Aброр домла Aлимов

Бугун, 27 август куни Шайх Алижон қори Файзуллоҳ Махдум ўғли жума намозини адо этиш, мўмин-мусулмонларга гўзал суҳбат қилиб бериш мақсадида Тошкент шаҳри Мирзо Улуғбек туманидаги “Олтинтепа” жоме масжидига ташриф буюрадилар.

Muslim TV жамоаси томонидан ушбу масжиддаги жума намози, мавъизаси интернет ва ижтимоий тармоқлар орқали узатилади. Мазкур жоме масжидда Шайх Алижон қорининг гўзал қироат ва суҳбатларидан баҳраманд бўлишга таклиф этамиз.

Айни дамда мўмин-мусулмонларимиз жомеларга жума намозини адо этиш учун ошиқишмоқда, имом-домлаларнинг файзли суҳбатлари ва хушовоз қориларнинг тиловатларидан бахраманд бўлишади.

Барча жомеларда белгиланган карантин қоидалари асосида жамоатни қабул қилишга тайёргарлик ишлари олиб борилди. Биноларни тозалаш, дезинфекция ишлари, ижтимоий масофа сақлаш учун махсус белгилар ва бошқа зарурий чоралар кўрилди. Ўз навбатида мўмин-мусулмонлардан ҳам карантин қоидаларига риоя этиш, айниқса, тиббий ниқоб тақиш ва ижтимоий масофани сақлашга алоҳида эътибор қаратишни илтимос қиламиз.

Эслатиб ўтамиз, бугунги жума маърузаси “Исломда биродарлик ва ўзаро ҳамжиҳатлик" мавзусида бўлади.

Тошкент шаҳри Мирзо Улуғбек туманидаги “Олтинтепа” жоме масжидидаги жума намози ва мавъизасини қуйидаги линклар орқали тўғридан-тўғри кузатишингиз мумкин: Muslim TV

Ўзбекистон мусулмонлари идораси матбуот хизмати

Зиёуддин домла Мирсодиқов

Тошкент шаҳар, Чилонзор туманидаги

"Бўтабува" жоме масжиди имом хатиби

Инсон қилаётган ишларининг қандай натижа бериши, авваламбор қалбидаги ниятига боғлиқ.  Яхши ният қилган бўлса, яхшиликка, ёмон ният қилган бўлса, ўша мақсадга етади. Ниятни холис қилиш учун, кишининг қалби пок маънавий иллатлардан холи бўлиши лозим. Инсон қалбининг поклиги уни эзгуликлар сари етаклайди. Инсон хар доим хар сохада, хар бир пок ва халол ишда ниятини яхшилаши лозим.

Аллох буюрган амални У Зот розилиги учун бажаришга қалбни фориғ қилиш ниятдир. Амалларнинг тўғри бажарилиши, мукаммаллиги, савобининг тўкис бўлиши ният ва ихлос билан чамбарчас боғлиқ. Қилинаётган амаллар Аллоҳ учунми ёки бошқа мақсадда қилиняптими, банданинг ибодатга муносабати, Парвардигорига хурмати қанчалик баланд экани унинг ниятидан маълум бўлади. Яхши ният ва эзгу амаллар ўз эгасини жаннат сари етакловчи амаллардандир. Инсон ниятини тўғри қилса, нафсини турли ёмонликлардан покласа, албатта, у дунё ва охиратда бахтлилар қаторида бўлади.  

Умар ибн Хаттоб (р.а) ривоят қилади: “Мен Расулуллох (с.а.в): Албатта амаллар ниятга боғлиқ. Хар бир кишининг ният қилган нарсаси бўлади”, деб айтганларини эшитганман, дедилар. (Бухорий, муслим ривояти).

Солиҳ салафлардан бири дедилар: “Мен хар бир нарсада ниятим бўлишини жуда хам яхши кўраман. Хатто таом ейиш, сув ичиш, фойдали ишларни қилишда ниятим бўлишини истайман. Буларнинг барчасида Аллох таолога қурбатни қасд этиш мумкин бўлади, зеро тананинг соғлом, қалбининг фориғ бўлиш сабабларини келтириш диннинг муҳим талабларидан хисобланади. Ким таом танавул қилишдан ибодатга кувват бўлишини, ўйланишдан динининг мустаҳкамлашини, аҳли қалбини поклашни ва ўзидан кейин Аллоҳ таолога ибодат этадиган фарзанд ато этилишини ният қилса, барча ниятларига яраша савоб олади. Қиладиган амалингиздан олдин ниятингизни тўғри ва яхши қилинг. Яхшиликни ният қилинг! Уни амалга ошира олмасангиз хам, уни доимо бажараётган бўласиз. Агар амал бўлмаса хам, ният амал қилган бўлади. Чиндан хам бир киши кечаси туриб нафл намозини ўқишга ният қилди, аммо ухлаб қолди, унинг номаи аъмолига ният қилган амалининг савоби ёзилади, гарчи уни бажара олмаса хам ”.

Бу хикматли дунёда  хар бир инсон, покиза қалб соф ақидага эга бўлиши ва хар бир қиладиган ишидан олдин ниятини яхши қилиши ва шу нияти орқали икки дунё бахт-саодатига эришиши мухимдир.  

Одилжон  Нарзуллаев

Янгийул тумани

“Имом  Султон” жоме масжиди  Имом хатиби.