muslim.uz
Ғулувга кетиш ҳалокатлидир
Ислом дини бешта рукнга бино қилинган бўлиб, уларнинг энг биринчиси, қолган тўрттасининг мақбул бўлишига асос саналган рукн имондир. Ақида масаласида барча мусулмонлар етарли даражада илмга эга бўлишлари шарт.
Ақида борасида битилган энг мўътабар китоблардан биринчиси – “Ал-фиқҳул акбар” китобида Имом Абу Ҳанифа (раҳимаҳуллоҳ) бундай деганлар: «Ҳар бир мусулмон шундай деб айтиши вожиб: “Аллоҳга, Унинг фаришталарига, китобларига, пайғамбарларига, вафот этгандан сўнг қайта тирилишга, тақдирнинг яхшиси ҳам, ёмони ҳам Аллоҳ таолодан эканига имон келтирдим. Ҳисоб, тарозу, жаннат ва дўзах барчаси ҳақдир. Аллоҳ таоло бирдир, лекин саноқ жиҳатидан эмас, балки Унинг шериги йўқлиги жиҳатидан”».
Банда юқорида айтилган ақидаларга, аввало, чин қалбдан ишониб, сўнг уни тилида айтса, имони комил бўлади. Шунинг учун дилда тасдиқ ва тилда иқрор бўлиши шарт қилинган. Ҳар бир мусулмоннинг ақидаси тўғри бўлиши ўта муҳимдир. Яъни, ақиданинг зарурий масалаларини билмаган киши ҳар қанча ибодат қилса ҳам, ақидаси тўғри бўлмагани сабабли ибодатлари бесамар кетиши мумкин.
Ақидани яхши билмаслик динда чуқур кетишга олиб боради. Динда ғулувга кетиш эса, инсонни ҳалокатга элтади. Бу борада Расулуллоҳ (соллаллоҳу алайҳи ва саллам): “Ҳаддан ташқари чуқур кетувчилар ҳалок бўлдилар”, деб уч марта такрорлаганлар (Имом Муслим ривояти). Мусулмон киши ўзига Қуръони карим ва суннати набавияда айтилмаган турли ибодатларни кўпайтириб олиб, меъёрга риоя қилмасдан, ҳаддан ошириб юбормаслиги лозим. Шуни ҳам таъкидлаш керакки, баъзилар динни жуда ҳам енгил санаб, Аллоҳ таолонинг мағфиратига қаттиқ ишонган ҳолда, дангасалик билан У зот буюрган амалларни адо қилишни ортга сурадилар. Бу ҳам нотўғридир.
Динда ғулувга кетиш мусулмонлар орасида тафриқага сабаб бўлади. Бунинг оқибатида фитналар, беқарорлик вужудга келади. Тинчликка путур етади, жамият бирлиги заифлашади. Аллоҳ таоло марҳамат қилган: «Аллоҳга ва Расулига итоат қилингиз ва низолашмангиз, акс ҳолда сустлашиб кетурсиз ва “шамолингиз” (обрўйингиз) кетиб қолур» (Анфол сураси, 46-оят). Демак, ўзаро келишмовчиликда, низода ва ихтилофда бўлиш, турли оқим ва фирқаларга бўлиниш шу халқнинг сустлашуви ва қуввати кетиб қолишига сабаб бўлади.
Бугунги кунда ҳам ёшларимиз орасида диний билимни интернет саҳифаларидан ўрганиб, ўзлари билмаган ҳолда нотўғри ақидаларга эргашиб қолаётганлар йўқ эмас. Фарзандларимизнинг ақидаси тўғри шаклланиши учун уларнинг юртимиздаги исломий таълим муассасаларини битирган мутахассислар – имом-хатибларимиздан ўгит-маслаҳат олишларини, юртимизда чоп этилаётган диний-маърифий адабиётлардан, muslim.uz, hidoyat.uz, islom.uz ва бошқа бир қатор масжидлар ва мадрасаларнинг электрон нашрларидан баҳраманд бўлишларини таъминлаш зарур.
Бобохон ҚОСИМОВ,
Музработ тумани бош имом-хатиби
Карантин вақтида жаноза, дафн ва таъзия маросимлари қандай ўтказилади?
Муҳаммадбобир Ғафуров,
Поп тумани “Саид жалолхўжа” масжиди имом-хатиби
Деҳқончилик ризқимиз гарови
Раҳимберди домла Раҳмонов
«Хўжа Аламбардор» жоме масжиди имом-хатиби
Муфтий ҳазратлари мақолаларига муносабат: “Кимки ерга меҳр берса, бунинг савоби каттадир”
Бугун оммавий ахборот воситалари, жумладан, Вазирлар Маҳкамаси муассислигидаги “Янги Ўзбекистон” газетаси, Ўзбекистон мусулмонлари идораси веб портали muslim.uz ва бошқа бир қатор ижтимоий тармоқларда Ўзбекистон мусулмонлари идораси раиси, муфтий Усмонхон Алимов ҳазратларининг “Ким ерга меҳр берса, бунинг савоби каттадир” мавзусидаги мақолалари эълон қилинди.
Мазкур мақола айнан ҳозирги вақтда барчамиз учун зарур бўлган, энг долзраб масалаларга очиқ-ойдин муносабат билдирилган мақола бўлиб, у Муфтий ҳазратларининг халқимизга қилган яна бир муҳим мурожаати бўлди.
Айниқса, мақоладаги ҳозирги карантин даврида ваҳимага тушмаслик, ваҳиманинг ўзи ярим касаллик, хотиржамлик эса ярим соғлик экани, ҳар бир ибтидонинг интиҳоси бўлганидек, бундай синовли кунлар ҳам тез фурсатда Аллоҳ таолонинг иродаси ила тарихга айланиши, бундай кунларда ҳар бир мусулмон эътиқод ва амалда қандай йўл тутиши лозимлиги тўғрисида келтирилган сўзлар ҳеч бир инсонни бефарқ қолдирмайди.
Мақолада, шунингдек, бугунги оғир дамларда аҳоли аҳолини озиқ-овқат маҳсулотлари билан таъминлашда томорқа ерларидан самарали фойдаланиш муҳим экани, бундай синовли даврда халқимиз рўзғори учун керак бўлган томорқа ерларини қаровсиз ташлаб қўймаслик, ҳадиси шарифда: “Агар қиёмат қоим бўлишни бошласаю, бирингизнинг қўлида ниҳол бўлса, қиёмат қоим бўлишдан олдин уни экишга қурби етса, бас, шундоқ қилсин”, деб айтилгани ҳақида келтирилган фикрлар барчамизни бефарқ бўлмаслик ва халқ дарди билан яшашга ундайди.
Мақоланинг тўлиқ матни билан қуйидаги ҳавола орқали танишишингиз мумкин:
Ўқинг ва бошқаларга тарқатиб, савобга эришинг!
Уйда қолинг! Уйингизда туриб, маърифат нурини тарқатишга ҳиссангизни қўшинг!
ҲАЙДАРХОН ЙЎЛДОШХЎЖАЕВ
Мир Араб олий мадрасаси ректори
Бу синовларга сабр қилайлик
Раҳматилла Усмонов Қашқадарё вилояти бош имом-хатиби