muslim.uz
Деҳқончилик – пайғамбарлар суннати
Муҳаммадназар домла Қаюмов
Рамазон яқин: танани рўзага тайёрлаш...
Рамазонга саноқли кунлар қолганида энг аввало танамизни рўзага тайёрлаш керак бўлади.
Бу йил насиб этса Рамазон баҳор ойига тўғри келмоқда. Кунлар узайиб, ҳаво исиши билан иқлим ўзгарадиган паллаларда тўғри келаётган рўзада тўғри ва соғлом овқатланиш, таомланиш вақти ва озуқалар ўзгариши, очлик ҳисси ортиши билан кечади. Бу ҳолатларга танамизни аввалдан ўргатиб боришга эришсак, муборак Рамазон ойида соғлиқ билан боғлиқ муаммоларсиз ибодатларимизни бажаришга муваффақ бўламиз, инша Аллоҳ.
Муборак Рамазон ойига киришдан аввал энг муҳим ҳозирликлардан бири порцияларни камайтиришдир. Албатта, бу борада Шабон ойида рўза тутиш энг асосий ёрдамчи бўлади. Бироқ, Шабон ойида рўза тутолмаганлар Рамазон учун тайёргарликни порцияларни камайтиришдан иш бошлаганлари маъқул.
Дастурхонга фойдали ва тўйимли озуқалар, мева- сабзавот, сут маҳсулотлари ва дуккакли маҳсулотлар тортамиз. Бу егуликларга Рамазондан аввал вужудни кўниктириш, рўза кунларида ошқозон-ичак тизими билан боғлиқ муаммоларга дуч келмасликни кафолатлайди. Бугундан бошлаб енгил салатлар, қайнатилган ёки буғда пиширилган сабзавотларни тановвул қилишни бошласак, Рамазонда бу егуликларни истеъмол қилишга танамиз кўникма ҳосил қилган бўлади. Ёғли, шўр, дудланган маҳсулотларни оддий кунларда ҳазм қилиш қийин бўлгани учун, Рамазонда бемалол хавфли егуликлар гуруҳига қўшишимиз мумкин.
Бу егуликлар ортиқча вазн билан боғлиқ муаммоларни келтириб чиқиш хавфи юқори бўлгани учун ҳам Рамазон ойида улардан кескин тийилган маъқул. Мол ва қўй гўшти, товуқ, балиқ маҳсулотларини печда тоблаб ёки қайнатилган ҳолда истеъмол қилиш фойдали. Аввало, тановвул қилаётган егуликлар саломатлигимиз, ибодатлар учун куч-қувват бўлишини ҳисобга олиш керак. Узоқ очликдан кейин ширинликлар истеъмол қилиш қонда шакар миқдорини ошириш билан бирга, саломатликка жиддий хавф туғдириши мумкин. Шунинг учун ҳозирдан ширинликлар истеъмол қилишда меъёрдан ошмаслик, имкони бўлса, шакар ва шакар маҳсулотларини қуруқ мевалар, шакарсиз қоқи қайнатмалари, тоза мева ва сабзавот шарбатлари (уй шароитида тайёрланган) ҳамда асал билан алмаштирган яхши. Рамазондан аввал, Рамазонда ва ундан кейин истеъмол қилишдан тийилиш керак бўлган газли ичимликлар, тайёр мева шарбатлари ва юқори калорияли ширин сувлардан парҳез қилиш учун ҳозир айни вақти.
Турли дамламалар, гиёҳли, доривор ўтлар қайнатмаларини ичиш билан ҳам кундалик қабул қилинадиган суюқликлар билан ортиқча вазндан қутулиш, ҳам Рамазондан аввал вужуддаги ортиқча токсинлардан халос бўлиш мумкин. Айни кунларда Рамазон ойига тайёргарлик кўришнинг вақти. Кеч қолманг ва шайтонлар кишанланиб, бандалар руҳан покланадиган ойга аввал танангизни поклаб киришсангиз, ибодатларни хотиржам ва ҳаловат билан адо этиш имконига эга бўласиз.
Рамазондан аввал токсинлардан қутулиш учун махсус парҳез олди ичимлик тайёрлаш:
2. литр сув
2 дона кўк олма
1 дона лимон
1 чойқошиқда қалампирмунчоқ доналари
1 чой қошиқда донали қора мурч
1 дона долчин пўчоғи (корица)
Олма ва лимон паррак тўғралади ва икки литр сувга солинади. Қалампирмунчоқ, қора мурч ва ва долчин ҳам ортидан солинади ва 15 дақиқа давомида қайнатилади. Тайёр бўлган дамлама кун давомида ичилади. Бу доривор дамлама заҳарли токсинлардан халос бўлишга ва Рамазонга тетик, соғлом киришга ёрдам беради.
Ҳар доим саломат бўлинг!
Аллоҳ бизни Рамазонга соғ-саломат, хотиржам ва ҳамжиҳатликда етказсин!
Манба: https://azon.uz
Ислом тараққиёт банки пандемияга қарши курашда Ўзбекистонга ёрдам беради
Ислом тараққиёт банки коронавирус пандемиясига қарши кураш учун Ўзбекистонга молиявий кўмак беради. Бу ҳақда инвестициялар ва ташки савдо вазирлиги расмий сайтида маълумот берилган.
Хабарда айтилишича, Бош вазир ўринбосари - инвестициялар ва савдо вазири Сардор Умурзоқов бу борада Ислом тараққиёт банки президенти Бандар Ҳажар билан видеомулоқот олиб борган.
Музокаралар якунида ИТБ президенти 2,3 миллиард доллар миқдордаги «Стратегик тайёргарлик ва чоралар тўплами» маблағларидан 17 миллион доллари Ўзбекистонга йўналтирилишини маълум қилган.
«Шунингдек, Бандар Ҳажар коронавирус билан касалланган беморлар учун қурилаётган янги шифохоналарни жиҳозлаш лойиҳалари доирасида иқтисод қилинган 46 миллион АҚШ долларини қайта йўналтириш орқали Ўзбекистонга қўшимча ёрдам кўрсатишга тайёрлигини билдирди», дейилади вазирлик хабарида.
Олдинроқ бош вазир ўринбосари Сардор Умурзоқов Жаҳон банки расмийлари билан музокара ўтказган ва унга кўра банк Ўзбекистонга коронавирус пандемияси келтириб чиқарган инқирозга қарши кураш учун 1,2 миллиард доллар кредит ажратишга тайёрлиги хабар қилинганди.
Манба: https://m.kun.uz
Ёққан қордан кўнглингизда хиралик бўлмасин!
Ёққан қордан кўнглингизда хиралик бўлмасин!
Аллоҳ таоло бизга нимани раво кўрган бўлса, шуни яхшиликка йўйинг.
Унда албатта, бир ҳикмат борлигини унутмаслигимиз керак.
Карантинни ўзимиз ва ўзгаларга фойдали қилайлик
Коронавирусдан дунё бўйлаб ҳар куни қанча одам вафот этгани ҳақидаги хабарларни кўпчилик хавотир билан кузатмоқда. Бу вабо миллат, ирқ ёки ҳудуд танламаяпти. Унга қарши иқтисодий жиҳатдан ривожланган қудратли мамалакатлардан тортиб, аҳолиси кам бўлган кичик давлатлар ҳам курашмоқда. Айрим минтақаларда дори-дармон, кундалик истеъмол маҳсулотлари билан боғлиқ муаммолар пайдо бўлмоқда. Ана шундай беқарор вазиятда мусулмон киши ўзини қандай тутиши керак? Динимизда бунга доир аниқ кўрсатмалар бор.
Расулуллоҳ соллаллоҳу алайҳи васаллам: “Вабо бало ёки азобдир. Уни Бани Исроилга ёки сиздан олдин ўтган кимсаларга юборилган эди. Қачон унинг бирор ерда пайдо бўлганини эшитсангиз, у ерга бормангиз. Агар у сиз турган ерда воқеъ бўлса, ундан қочиб у ердан чиқмангиз», дедилар” (Икки Шайх ва Имом Термизий ривояти). Ҳадиси шарифда хасталик пайдо бўлганда мусулмонлар жамоаси у ерга бормаслиги, агар улар хасталик тарқалга худудда бўлса, у ердан чиқмасликка буюрилмоқда. Бу 14 аср олдин Исломда жорий қилинган карантин чорасидир.
Афсуски, хозирда бу балони жиддий қабул қилмаётганлар учраб турибди. Тўғри, тушкунликка тушиш ёки ваҳима қилмаслик лозим, аммо бу эҳтиёт чораларини кўрмасдан ўзини жар ёқасига ташлаш керак, дегани эмас. Вабо тарқалганда тиббиёт мутахассислари тавсиясига амал қилиш шариат томонидан ҳам қўллаб-қувватланади.
Ҳозирги ҳолатда юзга ниқоб тақиб юриш, заруратсиз уйдан чиқмаслик, бирор иш билан кўчага чиқсак, қўл ва юзни ювиш, жамоат жойларидан узоқ бўлиш каби эҳтиёт чоралари кўрилмоқда.
Айни кунларда кўпчилик оила аъзолари билан уйда бўлгани сабабли қуйидаги тавсия қиламиз:
– Касалликдан сақланиш сабабларини қаттиқ тутиш ва кўп дуою истиғфор айтиш;
– Оила аъзолари ўзаро аҳил, муҳаббатли бўлиб, катталар насиҳату маслаҳалатидан кўпроқ баҳра олиш;
– Болалар таълим-тарбиясига катта эътибор қаратиб, уларда иймон ва таваккул фазилатларини янада теран шакллантириш;
– Хайру эҳсон, яхшилик улашишда мусобақалашиш, бу борадаги ишларга тарғиб қилиш;
– Қуръони каримни тиловат қилиш, набавий ҳадислардан ўқиш ва бошқа фойдали китобларни мутолаа қилиш;
– Зикр, саловат, истиғфор, тасбеҳ ва дуоларни кўпайтириш.
Ҳозирги карантин вақтида бўш вақтимизни ғанимат билиб кўплаб ишларни қилиш имконига эгамиз.
Ибн Аббос розияллоҳу анҳудан ривоят қилинади. Расулуллоҳ соллоллоҳу алайҳи васаллам бундай дедилар: “Икки неъмат борки, кўп одам уларни бой бериб қўяди: соғлиқ ва бўш вақт” (Имом Бухорий ривояти).
Азизлар, бугунги синовли кунларда ўзаро аҳл бўлиб, бир-биримизга елкадош бўлайлик! Қўлимиздан келган барча эҳтиёт чораларини кўриб, сўнг Аллоҳ таолога таваккал қилайлик, турли хил васваса, ёмон гумонларга берилмайлик! Ҳукуматимиз жорий қилаётган қонун-қоидаларга, тиббиёт мутахасисларининг тавсияларига астойдил амал қилайлик. Шунда Аллоҳ таолонинг изни ила бу иллатнинг тарқалмаслигига ҳисса қўшган бўламиз.
Аллоҳ таоло бу балони инсоният бошидан тез орада аритсин, барчамизни Ўз ҳифзида сақласин, беморларга мукаммал шифо берсин!
Ҳабибулло ЗОКИРОВ,
Сирдарё вилояти бош имом хатиби