muslim.uz
Саудия Aрабистони тошбақа шаклида сузувчи шаҳар қуришни режалаштирмоқда
Саудия Aрабистони расмийлари томонидан ноодатий шаҳарсозлик лойиҳаси амалга оширишни режалаштирган. Саудия Арабистони оммавий ахборот воситалари хабарига кўра, тез орада Қироллик ҳудудида дунёнинг энг катта сузиб юрувчи тошбақа шаклидаги шаҳар пайдо бўлади. Ушбу Пангеос лойиҳаси 60 000 кишилик меҳмонга мўлжалланган. Бинонинг узунлиги деярли 550 метр, кенглиги эса 610 метрни ташкил қилади. Теряхтада савдо марказлари, боғлар, меҳмонхоналар, квартиралар ва бошқа объектларлар жойлашади.
Лойиҳанинг саккиз йил ичида амалга ошириш режалаштирилган. Бунинг учун тахминан 5 миллиард АҚШ доллари сарфланиши кўзда тутилган. Сузувчи тошбақа шаҳри илғор технологиялар асосида ишлаб чиқилган бўлиб, тўққизта тўлиқ электр мотор билан қувватланади, бу эса кеманинг доимий тезлигида 5 тугунни ушлаб туриш имконини беради. Бундан ташқари, кема қайта тикланадиган энергия ишлаб чиқариш учун дуч келган тўлқинлар кучидан фойдаланади, бу ҳам структуранинг томларидаги қуёш панелларидан олинади.
Интернет материаллари асосида ЎМИ ходими
И.Аҳмедов тайёрлади.
Мотуридийлик янги чиққан жамоами?
Ҳабибуллоҳ домла Абдулгаффор
Мўминларнинг 4 ахлоқи
Бугун жомеларимизда “Муъминун” сурасининг 1-оятидан “Фурқон” сурасининг 20-оятигача ўқилади.
"Ҳазрат Али" жоме масжиди имом-хатиби Салоҳиддин домла Шарипов
Ҳаддан ташқари мақтов ва айблаш – 19 қисм
Қачон инсон мақтовга сазовор бўлганда хурсанд бўлиб, уни мақтаганларни осмонларга кўтарса, аксинча, танбеҳ беришганда ғазабланиб, унга эътироз билдирганларни ернинг энг чуқур жойига кўмишга тайёр бўлса – бу ҳам руҳий касалликнинг намоён бўлиши саналади.
Муолажа услуби
Бу дарддан шифо топиш учун – нафсни ҳақиқат ва адолатни қабул қилишга мажбурлаш орқали тарбиялаш керак. Шунда инсон мақтов эшитганда ғурурланиш, танбеҳ олганда эса ғазабланиш ҳиссини йўқотади.
Аксарият ҳолларда, бу камчилик Аллоҳ таолонинг буйруқ ва тақиқларига тўғри риоя қилмасликдан келиб чиқади. Аллоҳ таоло Қуръонда бизга буюради: “Ўзинг билмаган нарсага эргашма! Албатта, қулоқ, кўз ва дил — ана ўшалар, масъулдирлар” (Исро сураси, 36-оят).
Ато ибн Абу Рабоҳдан ривоят қилинади: «Ибн Умарнинг олдида бир киши бошқасини мақтаб қолди. Бас, унинг оғзига қараб тупроқ соча бошлади. Сўнг: "Расулуллоҳ соллаллоҳу алайҳи васаллам: “Қачон маддоҳларни кўрсангиз, юзларига тупроқ сочинглар”, деганлар”, деди».
Абу Абдураҳмон ас-Суламийнинг
“Нафс иллатлари ва уларнинг муолажаси” китобидан
Даврон НУРМУҲАММАД таржимаси.
Масжидун Набавий ва Қубо масжиди бир неча борабар кенгайтирилмоқда
Саудия Арабистони оммавий ахборот воситалари тарихий масжидлар Масжидун Набавий ва Қубо масжидини ривожлантириш лойиҳаси тафсилотларини эълон қилди, деб ёзади “ИҚНA” сайти “Алявма 7”га таяниб хабар берди.
“Нигоҳ-2030” лойиҳасига мувофиқ, Пайғамбаримиз масжидида намоз ўқиш имкониятини кенгайтириш мақсадида Саудия Aрабистони расмийлари икки миллион намозхонни жойлаштириш режасини илгари сурмоқда. Ушбу лойиҳа доирасида Қубо масжиди ва унинг атрофидаги ҳудудларда ҳам бунёдкорлик ишлари олиб борилади.
Лойиҳада Қубо масжиди (Ислом тарихида қурилган биринчи масжид) ва унинг атрофидаги майдони 50 000 квадрат метрга, яъни ҳозирги майдонидан 10 баравар кўп, сиғими эса 66 000 намозхонга етказилади. Ушбу масжид ҳижрийнинг биринчи йилида ташкил этилганидан бери энг йирик ободонлаштириш лойиҳасига айланади.
Шу билан бирга, Aл-Ҳарамайн ёки Икки муқаддас поездлар бошқармаси раҳбарияти Рамазон ойида Макка ва Мадина шаҳарлари ўртасидаги рейслар сонини Каъба зиёратчилари бемалол ҳаракатланиши учун 100 та рейсга етказганини маълум қилди.
ЎМИ ходими И.Аҳмедов тайёрлади.
Мақолалар
