Дунё янгиликлари

ЖАР етакчиси Мусулмонларни иқтисодиётга ёрдам бергани учун мақтади

Чоршанба куни Жанубий Африканинг янги президенти Кирил Рамафоса мусулмонларни мамлакат иқтисодиётига қўшган ҳиссалари учун мақтади. Бу ҳақда "Аzon" нашри хабар берди.

«Мусулмонлар аҳолининг атиги 1,6 фоизини ташкил қилса-да, улар 55 миллион одамнинг иқтисодига 10 фоиз ҳисса қўшганларини айтишим мумкин», деди у Кейп Таундаги ифторлик дастурхонида.

Рамафоса ўша куни кечқурун Мусулмонлар суд кенгашининг етакчилари билан биргаликда ибодат қилишди.

Шунингдек, мусулмонларнинг иқтисодиёт, ҳукумат, суд ва бизнесга доир ҳар бир йўналишдаги иштирокини таъкидлаб ўтди.

Рамафоса, шунингдек, жанубий африкалик мусулмонларни кам таъминланган оилаларга ихтиёрий равишда ёрдам беришини ҳам айтиб ўтди. У терроризмни қоралади ва Жанубий Африка террорчилар учун дам олиш жойи эмаслигини айтди.

"Юз йиллар олдин бўлгани каби Жанубий Африка Республикасида ҳеч қачон Ислом тақиқланмайди", деди Рамафоса.

ЎМИ Матбуот хизмати

454 марта ўқилди

Янгиликлар

Top