Рамазонда қилинган дуоларнинг ижобати ўлароқ, Тошкент вилояти, Ўрта Чирчиқ тумани, Гулзор маҳалласи аҳолиси хайрли иш устида жам бўлдилар. Эрта тонгда ушбу маҳаллага Ўзбекистон мусулмонлари идораси раиси, муфтий Усмонхон Алимов ҳазратларининг ташрифи барчани қувонтирди. Ташрифнинг боиси маҳалладаги “Хўжаи Корсоз” жоме масжиди биносини қайта қуриш учун тамал тоши қўйиш эди.

Масжид XIII асрда яшаб ўтган “Хўжаи Корсоз” номи билан машҳур зот шарафига шундай аталган. Маҳаллий аҳолининг сўзларига қараганда, у зот олим ва авлиё бўлган. Шу ерда шогирдлар етиштирган. Демак, бу маскан ўша замонларданоқ зиё маскани бўлиб келган.

Аҳолининг “Хўжаи Корсоз” масжидининг эски биносини бузиб, унинг ўрнига янгисини барпо қилиш бўйича бошлаган саъй-ҳаракатлари бугун амалга кўчди. Муфтий ҳазратлари қурилаётган масжид қиёматгача хизмат қилишини ният қилиб, биринчи ғиштни қўйиб бердилар. Шундан сўнг Дин ишлари бўйича қўмита бўлим бошлиғи З.Султонов, Ўзбекистон мусулмонлари идораси бўлим мудири М.Қаюмов, Тошкент вилояти бош имом-хатиби Х.Турматов, нуронийлар ва эзгу ниятда йиғилган қалби пок инсонлар ҳам бирин-кетин пойдеворга ғишт қўйдилар. 

Ўзбекистон мусулмонлари идораси

Масжидлар бўлими

Интернет нашрларининг хабар беришича, БААда “Халқаро бағрикенглик институти” иш бошлайди. Ташкил этиладиган ушбу янги институтнинг мақсади – мамлакат аҳолиси онгида бағрикенглик ғояларини яна ҳам мустаҳкамлашдир. Шунингдек, институт – тизимли равишта динлараро очиқ мулоқотларни жорий этиш, ислом дини бағрикенглик ғояларини тарғиб қилишини кенг жамоатчилик онгига сингдиришни ҳам мақсад қилган.

Халқаро алоқалар бўлими

“UNESCO” Бош директори Ирина Бокованинг маълум қилишича, Бирлашган Араб Амирликлари таркибидаги Шаржа шаҳри 2019 йилда Бутунжаҳон китоб пойтахти деб эълон қилинади.

Йил давомида “Шаржада китоб ўқинг” шиори остида қатор тадбирлар ўтказилиши режалаштирилмоқда. Тадбирлар мутолаа, адабий мерос, оммабоп нашрлар ва болалар адабиёти каби турли хил мавзуларда бўлиб ўтади. Ёш шоирлар учун эса алоҳида дастур ишлаб чиқилади.

“Мен Шаржанинг Бутунжаҳон китоб пойтахти бўлиш қарорини қўллаб қувватлайман. Шаҳарда китоб ўқишни оммалаштириш борасида олиб борилаётган ишлар шаҳар аҳолиси учун кенг имкониятдир”,- деди Бокова.

Моҳира ЗУФАРОВА,

Халқаро алоқалар бўлими.

Аудиомаъруза (tas-ix)

Бугун Ўзбекистон матбуот ва ахборот агентлиги, Вазирлар Маҳкамаси ҳузуридаги Дин ишлари бўйича қўмита ва Ўзбекистон мусулмонлари идораси ҳамкорлигида “Матбуотда ёритилаётган диний-маърифий мавзуларнинг аҳамияти” мавзуида илмий-амалий анжуман бўлиб ўтди.

Анжуман Ўзбекистон матбуот ва ахборот  агентлиги биносида ўтказилди. Унда соҳа вакиллари, етакчи олимлар, экспертлар, оммавий ахборот воситалари ва нашриётлар вакиллари  иштирок этди.

Анжуманни Матбуот ва ахборот агентлиги Бош директори ўринбосари  Комил Мансуров кириш сўзи билан очиб маърузачиларга сўз берди.

Шундан сўнг Дин ишлари бўйича қўмитанинг Конфессиялар билан ишлаш ва экспертиза бўлими бошлиғи Собитхон Шарипов “Республикамиз даврий нашрларида диний-маърифий мавзуларни ёритишнинг ўзига хос жиҳатлари”, Мазкур қўмитанинг Диний таълим бўлими бошлиғи Салоҳиддин Шерхонов “Ўзбекистон Республикаси Президенти Шавкат Мирзиёев ташаббуси билан республикамизда ташкил этилаётган илмий марказлар ва диний соҳада олиб борилаётган ислоҳотлар”, Қўмитанинг Халқаро алоқалар бўлими бошлиғи Дилшодхон Бобожонов “Республикада экстремизм, миссионерлик ва ақидапарастликка қарши олиб борилаётган тарҳибот ташвқиот ишларида” мавзусида маъруза қилдилар.

Маърузалар якунланганидан сўнг йиғилиш иштирокчилари маърузачиларга саволлар билан мурожаат қилди ҳамда ўз таклифларини билдирди.

Анжуман сўнггида мавзуга оид ҳужжатли фильм намойиш этилди.

Дамин ЖУМАҚУЛ