Шу йил 3 сентябрь куни Ўзбекистон Республикаси давлат мустақиллигининг 34 йиллиги муносабати билан Бухоро шаҳрида футбол мусобақаси бўлиб ўтди.

Вилоят ҳокими кубоги учун мусобақасида имом-хатиб ва имом-ноиблардан тузилган жамоалар майдонда ўзаро беллашди.

Тадбирдан кўзланган мақсад соҳа ходимлари ўртасида соғлом турмуш тарзини тарғиб қилиш, соҳа ходимлари ўртасида бирдамлик ва дўстликни мустаҳкамлаш ва байрамни кўтаринки руҳда ўтказиш саналади.

Беллашувларда жамоаларнинг маҳоратли ўйини, мухлисларнинг қўллаб-қувватлаши ва байрамона руҳ устувор бўлди.

Қизғин баҳс ва юксак маҳорат намойиши орқали ғолиб ва совриндор жамоалар аниқланди:

1-ўрин – Ромитаний жамоаси;

2-ўрин – Ибн Сино жамоаси;

3-ўрин – Янги Ўзбекистон жамоаси.

Ғолиб ва совриндорлар вилоят ҳокимлиги ва Бухоро вилояти вакиллиги томонидан кубок, диплом ва эсдалик совғалар билан тақдирланди.

Қуйида мусобақа жараёни ва тақдирлаш маросимидан суратлар билан танишинг.

Ўзбекистон мусулмонлари идораси

Бухоро вилояти вакиллиги

Матбуот хизмати