Ўзбекистон Саудия Арабистонига заъфарон савдосини йўлга қўяди. Ўзбекистоннинг Саудия Арабистонидаги элчиси Улуғбек Мақсудов “Sunbula technologies Est.” компанияси раиси Убайдулла Сиддиқий билан учрашиб Ўзбекистоннинг “BMB Trade Group” компанияси томонидан етиштирилган заъфарон намуналарини тақдим этди. Бу маҳсулот Саудия Арабистони озиқ-овқат ва дори-дармон воситалари агентлиги (SFDA) томонидан текширилади ва тегишли сифат сертификати олинади. Бу ҳамкорлик ҳақида Убайдулла Сиддиқий шундай фикр билдирган:
“Умид қиламизки, заъфарон - бу Ўзбекистон билан ҳамкорлигимизнинг бошланиши бўлади. Келажакда кенг турдаги маҳсулотлар импорт қилиш ниятидамиз. Саудия вакиллари ҳозир заъфаронни Марокаш, Испания, Ҳиндистон, Афғонистон ва Покистон каби давлатлардан олиб келмоқда. Шу маънода Ўзбекистонда етиштирилиши бошланган заъфаронга қизиқишимиз катта. Умид қиламизки, ўзбек заъфарони сифат жиҳатидан рақобатбардош ва Саудия бозорида ўз ўрнига эга бўлади” - деб таъкидлаган компания раиси.
Шунингдек, Убайдулла Сиддиқий Ўзбекистондан табиий асал ва тоғ ўсимлик гиёҳларидан тайёрланган маҳсулотларни ҳам импорт қилиш имкониятини ўрганмоқчилигини айтган. Унинг сўзларига кўра, Саудия Арабистонида шифобахш экологик тоза маҳсулотларга талаб юқори.
Бу учрашувда Марказий ва Жанубий Осиёни боғловчи транспорт коридори яратиш бўйича олиб борилаётган саъй-ҳаракатлар ҳақида ҳам маълумот берилган. Бу каби қулай транспорт йўлагининг имкон қадар тез муддатларда қурилиши минтақа давлатларининг савдо-иқтисодий алоқаларига ижобий таъсир кўрсатади. Шу ўринда суҳбатдош мазкур янги транспорт йўлаги барпо этилиши Ўзбекистон ва Саудия Арабистони ўртасидаги савдо айланмасини ҳам сезиларли ошишига олиб келади, деб умид билдирди.
Бу учрашув натижасида Ўзбекистон ва Саудия Арабистони ўртасида савдо – сотиқ алоқалари янада ривожланиши икки давлат халқлари учун бирдек фойдалидир.
azon.uz
“Умра – 2026” Рамазон мавсумининг илк гуруҳ зиёратчилари фазилатли кунларни муқаддас жойларда ибодат ва зиёрат билан ўтказмоқда.
Муборак сафарнинг дастлабки уч кунида зиёратчиларимиз Мадина шаҳрида бўлиб, Расулуллоҳ соллаллоҳу алайҳи ва салламнинг Равзаи шарифларини зиёрат қилдилар.
Шунингдек, ислом тарихида ўчмас из қолдирган Уҳуд тоғи, тақво асосига қурилган Қубо масжиди каби табаррук жойларни бориб кўришди.
Зиёрат давомида ҳамюртларимиз Макка шаҳрига етиб келиб, ихлос ва муҳаббат ила умра амалини адо этдилар. Муборак заминдаги Арафот, Нур ва Савр тоғлари, шунингдек, Мино ва Муздалифа водийлари бўйлаб қилинган зиёратлар ҳар бир юртдошимиз қалбида чуқур из қолдирди.
Аллоҳ таоло Рамазон ойида адо этилаётган зиёрат ва ибодатларни қабул айласин! Юртдошларимизнинг дуолари ижобат бўлиб, бундай муқаддас сафарлар барчамизга насиб этсин!
+998778821858, +998998821858
@Hajumrauzbot
ВИЛОЯТЛАРДА (https://taplink.cc/hajumrauz)
@hajumrauz