Грознийда қурилиши аввал Чеченистон ҳукумати томонидан эълон қилинган" Қуръон музейи " мусулмонларнинг энг қадимги қўлёзма Муқаддас китоби бўлган Усмон Қуръонининг факсимил нусхасини олади.
Пайғамбаримиз (соллаллоҳу алайҳи ва саллам)нинг куёвлари халифа Усмон ибн Аффон (розияллоҳу анҳу) буйруғи билан милодий 651 йилда (ҳижратнинг 24-йили) ноёб Куфий Қуръони Карим кийик терисига бир неча нусхада ёзилди. Дунёда фақат 6 нусхалари мавжуд.
- Совғалар- менинг бизнесим, лекин Қуръонни сотиш одобсизлик бўларди, - деди совғани музейга топшириш ташаббускори, қўлёзманинг эгаси Семен Флери.
Аввалроқ "Ислом-Today" портали Чеченистон пойтахтида жангарилар қўлида ҳалок бўлган Магомед Джабраилов номи билан аталадиган Грознийда "Қуръон музейи" қурилиши режалаштирилаётгани ҳақида хабар берган эди.
Ўзбекистон мусулмонлари идораси матбуот хизмати
Ўзбекистон Республикаси Президенти Шавкат Мирзиёев Сурхондарё вилоятига ташриф буюрди. Давлатимиз раҳбари сафарини, анъанага кўра, Ҳаким Термизий мақбараси зиёратидан бошлади.
Қуръон тиловат этилиб, халқимизга, юртимизга тинчлик-фаровонлик тилаб, дуо қилинди.
Уламолар билан бўлиб ўтган суҳбатда ислом дини ривожига улкан ҳисса қўшган буюк аллома, ватандошимиз Ҳаким Термизийнинг маънавий-маърифий меросини чуқур ўрганиш ҳамда юртдошларимиз ва халқаро жамоатчилик ўртасида кенг тарғиб қилиш ҳақида сўз юритилди.
Шунингдек, муқаддас динимизнинг эзгулик ва инсонпарварлик, меҳр-шафқат каби буюк фазилатлари, миллий қадриятларимизни асраб-авайлаш ҳамда ривожлантириш, шу асосда ёш авлодни эзгу ғоялар руҳида тарбиялаш, уларнинг қалбида Ватанга муҳаббат ва садоқат туйғусини янада кучайтириш зарурлиги таъкидланди.
Кейинги йилларда таъмирланиб, янада обод ва гўзал мажмуага айланган ушбу табаррук масканда зиёратчилар учун барча шароит яратилди. Атроф ободонлаштирилиб, мақбарада ҳам катта ҳажмдаги ишлар бажарилди. Замонавий ёритқичлар, иситиш ва совитиш тизимлари ўрнатилди. Мажмуада микроиқлим яратиш учун тўрт мингдан ортиқ 40 турдаги кўп йиллик манзарали дарахт, 20 мингдан зиёд мавсумий анвойи гуллар экилган.
Ислом илмларининг тафсир, ҳадис, фиқҳ, калом, ислом фалсафаси, тасаввуф тарихи, тасаввуфий қарашлар каби соҳаларида кўплаб асар ёзган мутафаккир мажмуасини обод сақлаш, зиёратчилар учун қулайликларни кенгайтириш юзасидан тегишли топшириқлар берилди.