Сайт тест ҳолатида ишламоқда!
23 Октябр, 2025   |   1 Жумадул аввал, 1447

Тошкент шаҳри
Бомдод
05:25
Қуёш
06:44
Пешин
12:12
Аср
15:48
Шом
17:34
Хуфтон
18:47
Bismillah
23 Октябр, 2025, 1 Жумадул аввал, 1447

Талаба-ёшлар билан онлайн маърифий учрашув ўтказилди

16.10.2020   1697   1 min.
Талаба-ёшлар билан онлайн маърифий учрашув ўтказилди

Транспорт университети ташаббуси билан Ўзбекистон мусулмонлари идораси раисининг биринчи ўринбосари Ҳомиджон Ишматбеков иштирокида диний бағрикенглик ва миллатлараро тотувлик ғояларини кенг тарғиб қилишга бағишланган онлайн маърифий маъруза ташкил этилди.

Масофавий тарзда ўтказилган тадбирда Ҳомиджон Ишматбеков Ўзбекистонни ривожлантиришнинг бешта устувор йўналиши бўйича ҳаракатлар стратегиясининг бешинчи бандида хавфсизлик, миллатлараро тотувлик ва диний бағрикенгликни таъминлаш каби масалалар белгилангани юртимизда турли динларга мансуб қадриятларни асраб-авайлаш, барча фуқароларга ўз эътиқодини амалга ошириш учун зарур шароит қилиб берилаётганини таъкидлади.

Йиғилиш иштирокчилари диннинг халқимиз маънавияти ва руҳиятига таъсири хусусида фикр-мулоҳазаларини билдиришди. Маърифий маъруза мустақил фикрлайдиган, миллий ва умуминсоний қадриятларга ҳурмат билан қарайдиган, қатъий ҳаётий эътиқод ва қарашларга эга бўлган, миллий менталитетимизга ёт зарарли таъсирларга қарши турадиган ёшларни тарбиялашга қаратилган.

Онлайн тадбир давомида Ҳомиджон домла иштирокчиларни қизиқтирган саволларга жавоб қайтарди. Бу каби маърифий суҳбатлар талабалар хатти-ҳаракатига масъулият ҳиссини янада кучайтиришга хизмат қилади.

Ўзбекистон мусулмонлари идораси Матбуот хизмати

Ўзбекистон янгиликлари
Бошқа мақолалар
Мақолалар

Қуръондан узоқда юраверамизми?

23.10.2025   424   1 min.
Қуръондан узоқда юраверамизми?

Бисмиллаҳир Роҳманир Роҳийм

Биласизми? Қуръон сизни фақат жаннатга олиб бориш билангина чекланиб қолмайди, балки сизни жаннатнинг энг олий мартаба ва даражаларигача кўтаради, юксалтиради.


Бу ҳақда Расулуллоҳ соллаллоҳу алайҳи васалламдан ҳадис бор. Абдуллоҳ ибн Амр розияллоҳу анҳудан ривоят қилинади. Набий соллаллоҳу алайҳи васаллам дедилар: «Қуръон соҳибига: “Қироат қилиб кўтарилавер. Дунёда қандоқ тартил қилган бўлсанг, худди шундоқ тартил қил. Албатта, сенинг манзилинг охирги қироат қилган оятингнинг маконидан бўлади”, дейилади» (Абу Довуд ва Термизий ривоят қилган).


Шундай кейин ҳам Қуръондан узоқда юраверамизми?

Мақолалар