Сайт тест ҳолатида ишламоқда!
23 Феврал, 2026   |   6 Рамазон, 1447

Тошкент шаҳри
Бомдод
05:49
Қуёш
07:07
Пешин
12:41
Аср
16:23
Шом
18:10
Хуфтон
19:22
Bismillah
23 Феврал, 2026, 6 Рамазон, 1447

Мисрда Рамазон ойида жамоат учун ифторлик ўтказиш ман этилди

05.04.2020   2614   1 min.
Мисрда Рамазон ойида жамоат учун ифторлик ўтказиш ман этилди
Араб тилидаги (https://arabicpost.net) интернет нашри тарқатган хабарга кўра, Миср Вақф ишлари вазирлиги 4 апрелда мамлакатда коронавирус тарқалишига кураш доирасида Рамазон ойида жамоат учун ифторликлар ўтказишни ман этишини маълум қилган. 
 
Вақф ишлари вазирлиги эҳсон қилиш ниятида бўлганларни Рўза ойи бошланишидан олдин атаганларини нақд пул ёки озиқ-овқат маҳсулотлари кўринишида фақир ва эҳтиёжмандларга тарқатишга чақирди. 
 
Коронавирус Миср ҳукуматининг қатор йирик лойиҳалари адо этилишига ҳам таъсир этмоқда. Жумладан, Миср музейини очиш маросими ва ҳукумат хизматчиларининг биринчи гуруҳини мамлакатнинг янги пойтахтига кўчириш ишлари 2021 йилга қадар кечиктирилди. 
 
Миср музейини очиш маросимини жорий йил давомида ўтказиш, ҳукумат хизматчиларининг биринчи гуруҳини мамлакатнинг янги пойтахтига кўчириш эса июнь ойига режалаштирилган эди. 
 
58 миллиард АҚШ долларига тенг бўлган Мисрнинг янги пойтахти лойиҳасини амалга ошириш жиддий молиявий қийинчиликларга дуч келди, хусусан, айрим инвесторлар лойиҳадан чиқиб кетди.
 
Манба: http://uza.uz
Дунё янгиликлари
Бошқа мақолалар
Янгиликлар

Ҳамдардлик билдирамиз

23.02.2026   839   1 min.
Ҳамдардлик билдирамиз

Ўзбекистон мусулмонлари идораси жамоаси  Сирдарё вилояти вакиллигининг "Ҳаж-умра" масалалари бўйича мутахассиси, Гулистон шаҳар "Исо уғли Мусо" жоме масжиди имом-хатиби Баҳодир домла Суюнбоевга падари бузруквори Содиқжон ҳожи отанинг вафоти муносабати билан таъзия билдиради.
 

Аллоҳ таоло марҳум отахоннинг охиратларини обод айлаб, жаннатдаги даражаларини юксак қилсин. 


Ҳақ таоло марҳум отахоннинг барча яқинларига, хусусан, Баҳодир домла Суюнбоевга чиройли сабр берсин.


Жаноза бугун, 23 февраль куни соат 14:00 да Янгийўл тумани "Саховат" маҳалласи Янги турмуш кўчасида марҳумнинг хонадонида ўқилади.


Иннаа лиллааҳи ва иннаа илайҳи рожиъуун.

«Мусибат етганда “Албатта, биз Аллоҳникимиз ва албатта, биз Унга қайтувчимиз”, деган сабрлиларга хушхабар беринг». 

Ўзбекистон мусулмонлари идораси
Muslim.uz

Ўзбекистон янгиликлари