03 Декабр, 2025, 12 Жумадул сони, 1447
03 Декабр, 2025, 12 Жумадул сони, 1447
Чилонзор туманидаги Сўгалли ота зиёратгоҳи ёнида Шайх Муҳаммад Содиқ Муҳаммад Юсуф қурилишини бошлатган масжид узоқ йиллар қаровсиз ҳолда қолиб кетган эди.
Президентимиз Шавкат Мирзиёев ўтган йили февраль ойида бу ерга келиб, масжидни кенг ва кўркам қилиб қуриш бўйича топшириқлар берган эди.
Бугун 2 гектардан зиёд майдонда улкан мажмуа бунёд этилди. Аввалги лойиҳадаги айвон ўрни ҳам масжид биносига қўшилиб, янада кенгайтирилди. Мажмуадан, шунингдек, конференц-зал, ўқув хоналари, таҳорат хона, музей ва бошқалар жой олган. Йўл бўйидаги Сўгалли ота мақбараси таъмирланган. Бетон қолдиқлари чиқариб ташланиб, кўкаламзорлаштирилган.
Маълумки, Шайх Муҳаммад Содиқ Муҳаммад Юсуф Ўрта Осиё ва Қозоғистон мусулмонлари диний идораси раиси, муфтий бўлган. Турли диний-маърифий мавзуларда юздан зиёд китоблар ёзиб, ислом дини моҳиятини тўғри етказиш, одамларнинг билим ва маънавиятини оширишга катта ҳисса қўшган.
Президентимиз бу масжид Шайх Муҳаммад Содиқ Муҳаммад Юсуф номига муносиб бўлганини таъкидлади. Шайх ҳазратларининг илмий меросини ўрганиш, маърифат ва одоб-ахлоқ мавзуларида кўпроқ китоблар чоп этиш, жамиятимиздаги маънавий муҳитни мустаҳкамлаш бўйича тавсиялар берилди.
Манба: https://president.uz
2025 йилнинг 1 декабрь куни Тошкент шаҳридаги Ёшлар ижод саройида мамлакатимизда фуқаролик жамияти институтлари соҳасида амалга оширилган ишларни таҳлил қилиш ва соҳани янада ривожланиш бўйича таклифлар ишлаб чиқиш учун мулоқот майдони – "Фуқаролик жамияти ҳафталиги"га старт берилди.
Ҳафталик доирасида бўлиб ўтган "Жамоатчилик кенгашлари форуми"да Ўзбекистон Республикаси Дин ишлари бўйича қўмитаси ҳузуридаги Жамоатчилик кенгаши йилнинг "Энг фаол жамоатчилик кенгаши" сифатида эътироф этилди.
Таъкидлаш жоизки, сўнгги йилларда мамлакатимизда фуқаролик жамияти институтларини ривожлантириш йўналишида кенг кўламли ислоҳотлар амалга оширилди. Хусусан, уларнинг давлат ва жамият бошқарувидаги иштирокини кенгайтириш мақсадида зарур ташкилий-ҳуқуқий шарт-шароитлар яратилди, давлат томонидан қўллаб-қувватлаш тизими изчил такомиллаштирилди.
Шу жараёнда давлат органлари ҳузуридаги жамоатчилик кенгашлари фаолиятини ривожлантириш, уларни самарали ишлаши учун қулай механизмларни жорий этиш бўйича ҳам қатор муҳим ташаббуслар амалга оширилмоқда.
Қўмита ҳузуридаги Жамоатчилик кенгашининг ҳам юксак эътироф этилиши – олиб борилаётган ижобий ислоҳотларнинг амалий самараси, жамоатчилик иштирокини кучайтиришга қаратилган сиёсатнинг ёрқин натижасидир.
Дин ишлари бўйича қўмита Ахборот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 