15 Декабр, 2025, ,
15 Декабр, 2025, ,
Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Худбинлик, одобсизлик ёйилган замонда одоб билан муомала қилиш эътиборни тортадиган нарсага айланиб қолди.
“Тарих муҳрлаган сўзлар”
*****
Сизларга шундай замон келадики, у пайтда кексаларингиз гуноҳ қилувчи, олимларингиз мунофиқ, кичикларингиз катталарни ҳурмат қилмайдиган, бойларингиз фақирларга ёрдам бермайдиган бўлади.
Али ибн Абу Толиб розияллоҳу анҳу
*****
Адолат давомли бўлса, ҳамма жойнинг обод бўлишига сабаб бўлади.
Зулм давом этса, ҳамма жойнинг хароб бўлишига сабаб бўлади.
Ибн Халдун раҳимаҳуллоҳ
*****
Одамларга гапларинг билан эмас, амалинг билан насиҳат қил.
Ҳасан Басрий раҳимаҳуллоҳ
*****
Одамлар сизни кечиришаверади-кечиришаверади. Шу шарт биланки, сиз пулдор, мол-давлатли кимса бўлишингиз керак.
“Тарих муҳрлаган сўзлар”
*****
Инсонлар билан бўладиган алоқалардаги энг катта муаммолардан бири – биз суҳбатдошимизни тушуниш мақсадида эмас, унга жавоб қайтариш мақсадида жим туриб эшитамиз.
“Тарих муҳрлаган сўзлар”
*****
Агар менинг фикрлашим ва услубим сизга ёқмаса, шуни билингки, мен сизнинг қизиқишингизни уйғотаман деган мақсадда уйқудан турганимни ҳеч эслолмайман.
Уилл Смит
*****
Суҳбат ақлнинг қандайлигини кўрсатса, ғазаб ахлоқнинг қандайлигини кўрсатади.
“Одоб ва ҳикмат дурдоналари”
*****
Эҳтиром муҳаббатдан минглаб миллар олдинга ўтиб кетган.
“Одоб ва ҳикмат дурдоналари”
*****
Ақл каби бойлик, жоҳиллик каби фақирлик, одоб каби мерос йўқ.
“Одоб ва ҳикмат дурдоналари”
*****
Одамлар бошқалар устидан ҳукм чиқаришга шошиладилар, лекин ўзларини тузатишга шошилмайдилар.
“Одоб ва ҳикмат дурдоналари”
*****
Эркак хато қилганда, аёл хафа бўлади, эркак узр сўрайди.
Аёл ҳато қилганда, эркак ғазабланади, аёл йиғлайди, эркак яна узр сўрайди.
Марк Твен
*****
Саодат – ҳис-туйғудир. Лекин баъзи вақтларда у шахс бўлади.
“Одоб ва ҳикмат дурдоналари”
Интернет материалларидан тўплаб, таржима қилувчи
Нозимжон Иминжонов
Ўзбекистон мусулмонлари идораси тизимидаги Олий ва ўрта-махсус диний таълим муассасаларида Қуръони карим 521 марта, “Саҳиҳул Бухорий” 14 та хатм қилиниб, 750 мингдан зиёд истиғфор, 240 мингдан зиёд салавотлар айтилди. Юртимиздаги масжидларда ўқилган жума ва истисқо намозлари ортидан ушбу хатмлар бағишланди.
Тарихга назар ташланса, “Қуръони карим” хатм қилингани каби “Саҳиҳи Бухорий” ҳам ёзилганидан буён тўлиқ ўқилиб, хатм қилиниб, ундан барака ҳосил қилинган. “Саҳиҳи Бухорий” тўлиқ ўқилиб, хатмдан сўнг қилинган дуолар ижобати жуда кўплаб тажрибалардан ўтган ҳақиқат. Уламолар хатмни жума куни тугатишни мўлжаллаб, бир неча кунда хатм қилиб ўтказишган.
“Олтин силсила”да айтилишича, мўғуллар истилосига қарши масжидларда “Саҳиҳи Бухорий” ўқитилган. Китобнинг хатми якунланиб, охирига етган кундан бошлаб мўғул қўшинлари мағлубиятга учрай бошлаган.
Вабо тарқалиш хавфи бўлганида, ўлатга қарши ҳам “Саҳиҳи Бухорий” китоби хатм қилинган.
Мағрибда уламолар ҳар ражаб ойи бошланиши биланоқ “Саҳиҳи Бухорий”ни ўқишиб, уни рамазоннинг йигирма еттинчи кечаси хатм қилишган. Ҳиндистон ва Покистонда эса мавлид ойида “Саҳиҳи Бухорий”ни ўқиб тугатиш анъанаси ҳозир ҳам бор.
Шунингдек, мамлакатимиз бўйлаб 500 га яқин жонлиқ сўйилиб, беш мингдан зиёд эҳтиёжманд хонадонларга хайр-эҳсонлар тарқатилди.
Аллоҳ таолодан ёлвориб сўраймизки, юқорида айтиб ўтилган Қуръони карим ва “Саҳиҳи Бухорий” хатмлари, қилинган қурбонликлар, айтилган истиғфор ва илтижоларни қабул этиб, юртимизга ёғингарчиликларини кўп қилиб берсин!
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 