«Вақф» хайрия жамоат фонди давлат рўйхатидан ўтказилди
Ўзбекистон президентининг 2018 йил 16 апрелдаги ПФ-5416-сонли «Диний-маърифий соҳа фаолиятини тубдан такомиллаштириш чора-тадбирлари тўғрисида»ги Фармонида Ўзбекистон мусулмонлари идораси ҳузуридаги «Вақф» хайрия жамоат фондини ташкил этилиш билан боғлиқ тадбирлар белгиланган.
Ўзбекистон Республикаси Адлия вазирлиги Жамоатчилик билан алоқалар бўлими хабар беришича, шунингдек, Фармонда тегишли идораларга фуқаролардан закот, фитр ва бошқа хайрия маблағлари сифатида тушадиган маблағлар «Вақф» хайрия жамоат фондининг алоҳида ҳисоб рақамида тўпланиши ҳамда замонавий ахборот технологияларидан фойдаланган (шу жумладан, Интернет тармоғи орқали онлайн кузатиш имкониятини яратган) ҳолда маблағларнинг тушиши ва сарфланишида тўлиқ шаффофликни таъминлаш бўйича амалий кўмак бериш топширилган.
Шу муносабат билан, Адлия вазирлиги томонидан Ўзбекистон мусулмонлари идораси ҳузуридаги «Вақф» хайрия жамоат фонди давлат рўйхатидан ўтказилди.
Бухоролик ҳожиларнинг дастлабки гуруҳи кутиб олинди
Ҳаж амалларини адо этган бухороликларнинг дастлабки гуруҳи Она Ватанимизга эсон-омон етиб келди. Ҳожиларни Ўзбекистон Мусулмонлари Идораси Бухоро вилояти вакиллари, вилоят Дин ишлари бўйича қўмита ҳамда мутасадди ташкилотлар вакиллари кутиб олди.
Ҳожилар ўзлари учун ажратилган махсус автобусларда “Файзобод” масжиди томон йўл олди ва катта хурсандчилик билан кутиб олинди.
Зариф Комилов,
ЎзА мухбири.
