27 Август, 2025, 4 Рабиъул аввал, 1447
27 Август, 2025, 4 Рабиъул аввал, 1447
Аввал хабар қилинганидек, Буюк Британияда бўлиб турган мамлакатимизнинг бир гуруҳ исломшунос, шарқшунос олимлари 4 март куни Кембриж университетига ташриф буюриб, ушбу нуфузли таълим даргоҳининг профессорлари, шарқшунос олимлари билан учрашувлар ўтказдилар.
Кембриж университетининг Марказий Осиё форуми директори профессор С.Саксена билан Ўзбекистонда янги ташкил этилган Ислом цивилизацияси маркази, Имом Бухорий халқаро илмий-тадқиқот маркази, Ўзбекистонга оид хориждаги маданий бойликларни тадқиқ этиш маркази ҳамда Тошкент ислом университетининг Исломшунослик илмий-тадқиқот маркази ўртасида ҳамкорлик бўйича келишувга эришилди.
Унга кўра, Кембриж университетининг профессор-ўқитувчилари Тошкент ислом университети, Ўзбекистон Ислом академиясининг талаба ва тадқиқотчилари учун махсус маърузалар ўқийди, мамлакатимизда ўтказиладиган халқаро конференцияларда иштирок этади. Ўзбекистонлик тадқиқотчиларнинг илмий мақолалари Кембриж университетининг нуфузли нашрларида чоп этилади. Кембриж ва Ўзбекистон олимлари қўшма илмий гуруҳи ташкил этилади. Ҳамкорликда долзарб мавзулардаги илмий тадқиқотлар амалга оширилади.
Томонлар шунингдек, Кембриж университетида Хоразмий ва Ибн Сино стипендияларини таъсис этиш тўғрисида ҳам келишиб олдилар. Ўзбекистон делегацияси Кембриж университети билан талабалар, амалиётчи тадқиқотчилар алмашуви, ўқув, илмий ва оилавий туризмни йўлга қўйишга тайёр эканини маълум қилди.
С.Саксена Ўзбекистонда буюк алломаларимиз илмий меросини чуқур ўрганиш, ушбу соҳада халқаро ҳамкорликни янада ривожлантиришга қаратилаётган эътиборни юқори баҳолади.
“Британиядаги қадимий бинолар Оксфорд, Кембриж университети коллежлари Бухоро ва Самарқанд мадрасаларининг меъморий услуби асосида бунёд этилган. Бу икки мамлакат ўртасидаги дўстнома муносабатлар тарихи узоқ ўтмишга бориб тақалишининг яққол исботидир.
Биз Ўзбекистон билан илмий ҳамкорликни ривожлантиришдан манфаатдормиз. Кембриж кутубхонасида сақланаётган туркий, форсий қўлёзмаларни тадқиқ этиб, каталоглар тайёрлайдиган ўзбекистонлик мутахассисларга эҳтиёжмандмиз”, - дейди Кембриж университетининг Марказий Осиё форуми директори С.Саксена.
Мамнуният билан қайд этиш керакки, жорий йилнинг 12 февралидан эътиборан Кембриж университетида ўзбек тили дарслари ташкил этилган. Эришилган келишувларга мувофиқ янги ўқув йилидан бошлаб Ўзбекистондан келган мутахассислар Кембриж университетида ўзбек тилидан дарс бера бошлайдилар.
Музокаралар якунида икки мамлакат ўртасидаги ўзаро ишонч ва дўстона муносабатлар барча соҳалар қатори илм-фан йўналишида ҳам жадал ривожланиб бораётганидан мамнуният изҳор қилдилар.
ЎМИ Матбуот хизмати
Ўзбекистон ташқи ишлар вазири ўринбосари Олимжон Абдуллаев бошчилигидаги делегация 23 август куни Россиянинг Жанубий федерал округига амалий ташрифи доирасида Ростов вилоятида бўлди, деб хабар бермоқда "Дунё" АА мухбири.
Иш сафари давомида вилоят раҳбарияти билан учрашувлар ўтказилиб, унда Ўзбекистон фуқаролари ҳуқуқларини ҳимоя қилиш масалалари, иқтисодий ва маданий-гуманитар соҳалардаги икки томонлама ҳамкорлик истиқболлари муҳокама қилинди.
Мигрантлар ҳуқуқлари, уларни ижтимоий ҳимоялаш, меҳнат фаолиятини қонунийлаштириш масалаларига алоҳида эътибор қаратилди. Делегация Дон давлат техника университетига (ДДТУ) ташриф буюриб, у ерда музокаралар ўтказди, таълим ва фан соҳасидаги илғор тажрибалар билан танишди.
Энг йирик машинасозлик корхонаси – "Ростсельмаш" корхонаси фаолияти ўрганилди, "ЮгСтройИнвест" ва "Авакон" қурилиш объектларида меҳнат қилаётган Ўзбекистон фуқаролари билан профилактик суҳбатлар ўтказилди, яшаш ва дам олиш шароитлари ўрганилди.
Ишчи ташриф якунлари бўйича мигрантлар ҳуқуқларини ҳимоя қилиш, ўзаро тажриба алмашиш ва маданий алоқаларни кенгайтириш соҳасида ҳамкорликни янада ривожлантириш бўйича келишувга эришилди.
Ўзбекистон ва Ростов вилояти ўртасидаги стратегик шерикликни мустаҳкамлаш бўйича ташаббусларни амалга ошириш ва "йўл хариталари"ни тайёрлаш бўйича қўшма ишчи гуруҳлар тузиш тўғрисида қарор қабул қилинди.
Ўзбекистон Мусулмонлари идораси вакили масжидларда Ўзбекистон фуқаролари билан жума намозида иштирок этди. Жамоатчилик билан маънавий-маърифий тарбия ва диний бағрикенглик масалалари юзасидан суҳбатлар ўтказилди. Ўзбекистон фуқароларини қизиқтирган саволларга тегишли жавоблар берилди.
Мустақиллик байрами муносабати билан ташкил этилган ишчи ташрифи доирасида Ростов шаҳрида меҳнат қилаётган фуқаролар учун байрам тадбири ташкил этилди. Тадбирда Ўзбекистон Мусулмонлари идораси раиси ўринбосари Зайниддин Эшонқулов томонидан фуқароларнинг экстремистик ташкилотлар фаолиятига кириб кетишининг олдини олишга қаратилган профилактик суҳбатлар ўтказилди.
Ўзбекистон делегацияси Россия Ички ишлар вазирлигининг Ростов вилояти бошқармаси раҳбарияти билан ҳам учрашув ўтказди ва унда миграция сиёсати, ҳуқуқбузарликларнинг олдини олиш, вилоятда истиқомат қилаётган мамлакатимиз фуқароларининг ҳуқуқий ҳолатини қонунийлаштириш масалалари муҳокама қилинди. Ўзаро ҳамкорликни кучайтириш, хорижий фуқароларнинг хавфсиз ва қонуний яшаши учун шарт-шароит яратишга алоҳида эътибор қаратилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа