28 Ноябр, 2024, 27 Жумадул аввал, 1446
28 Ноябр, 2024, 27 Жумадул аввал, 1446
Шу йил 10 октябрь куни Ўзбекистон мусулмонлари идорасининг Қашқадарё вилояти вакиллиги томонидан Қарши, Деҳқонобод туманлари ва Шаҳрисабз, Қарши шаҳарларидаги жоме масжидларда фаолият юритувчи имом-хатиб, ноиб, муаззинлардан иборат жамоалар Вакиллик кубоги учун ўтказилган футбол ва волейбол мусобақаларида беллашди.
Хусусан, Қарши шаҳри ва Қарши тумани жамоалари футбол, Деҳқонобод тумани ва Шаҳрисабз шаҳри жамоалари эса волейбол мусобақалари бўйича финал баҳси ўтказилиб, ғолиблар аниқланди.
Якуний натижаларга кўра, футбол мусобақасида 2:1 ҳисоб билан Қарши шаҳар жамоаси ғолибликни қўлга киритган бўлса, волейбол бўйича эса 2:0 ҳисобида Деҳқонобод тумани жамоаси ғолибликни қўлга киритди.
Мусобақалар ўта қизиқарли ва таассуротларга бой, кўтаринки кайфиятда ўтди.
Ғолиб ва совриндорлар Вакиллик кубоги, махсус диплом ва қимматбаҳо совринлар билан тақдирланди.
Қашқадарё вилояти вакиллиги
Матбуот хизмати
Хабарингиз бор, Ўзбекистон мусулмонлари идораси раиси, муфтий Шайх Нуриддин Холиқназар хазратларининг ташаббуслари билан Республикамиздаги масжидларда фаолият олиб бораётган имом-хатиб ва имом ноибларининг Қуръон қироати бўйича билим ва кўникмаларини янада ривожлантириш мақсадида жорий йилнинг сентябрь ойида тажвид илми бўйича ўқув-амалий машғулотлари бошланган эди.
Мазкур ўқув-амалий машғулотларининг навбатдагиси шу йил 27 ноябрь куни Қорақалпоғистон Республикасида фаолият олиб бораётган имом-хатиб ва имом ноиблар учун Нукус шаҳридаги "Имом Эшон Муҳаммад" жоме масжидида бўлиб ўтди.
Ўқув машғулотида "Қуръон ва тажвидни ўргатиш" бўлими мудири Шайх Алижон қори Файзуллоҳ Махдум ҳам иштирок этиб, тингловчиларга керакли тавсияларни берди.
Шу куннинг ўзида Нукус шаҳридаги "Муҳаммад ибн Аҳмад ал-Беруний" мадрасасида ҳам “Қуръон ва тажвидни ўргатиш” бўлими мудири Шайх Алижон қори Файзуллоҳ Махдум иштирокида талабалар билан илмий суҳбат бўлиб ўтди.
Суҳбат асносида мадрада талабалари Қуръон тажвиди борасидаги саволларига батафсил жавоб олди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 