Хоразм вилояти Янгиариқ туманида қайта қуриб битказилган “Шайх Мухтор Вали” жоме масжидининг очилиш маросими ўтказилди.

Унда Хоразм вилояти бош имом-хатиби Хайрулла домла Абдуллаев, Янгиариқ тумани ҳокими Зафарбек Матназаров, Дин ишлари бўйича қўмитанинг туман бошқармаси мутахассиси Анварбек Эшметов, Урганч шаҳар бош имом-хатиби Ҳасанбой домла Кенжаев, Имом Фахриддин ар-Розий ислом таълим муассасаси мудири Давронбек домла Абдуқодиров, туман ва шаҳар бош имом-хатиблари, мутасаддилар ва маҳалла аҳли жам бўлишди.

Замонавий талабларга жавоб берадиган, барча қулайликларга эга бўлган мазкур масжид 300 нафар намозхонларга мўлжалланган.

Қуръони карим тиловат қилингач, масжид қурилиши ва фаолиятини ташкил қилишда иштирок этган барча фидойи инсонлар ҳақига дуои хайрлар қилинди.