Тошкент ислом институти 4-курс талабаси Муҳаммад Амин қори Боқижонов 30 пора Қуръони каримни бир кунда бир ўтиришда тўлиқ ёддан ўқиб, қори устозлари ҳузурида хатм қилди.
Айни пайтгача Қуръони Каримни бир кунда ўқиб берган қори талабалар сони 36 нафарга етди.
Oliymahad.uz
Мир Араб ўрта махсус ислом таълим муассасасида устоз ва талабалар иштирокида икки янги асарнинг тақдимоти ўтказилди. Тадбирда Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг «Эй, бандаларим» асари ҳамда Тошкент ислом институти катта ўқитувчиси Абдулазим домла Саидаҳмедовнинг «Нурул яқин» асари иккинчи қисми ўқувчиларга таништирилди.
Тадбирда билим юрти мудири Жалолиддин Сабуров ушбу китоблар талабалар маънавий камолотида катта хизмат қилувчи муҳим манбалар эканини таъкидлади.
Абдулазим домла ҳам сўзга чиқиб, «Нурул яқин» асарининг янги қисмидаги асосий мавзулар, уни ёзиш жараёни ўқувчи учун қандай фойдалари борлиги ҳақида сўзлаб берди.
Ўзбекистон мусулмонлари идораси
Матбуот хизмати