03 Декабр, 2025, 12 Жумадул сони, 1447
03 Декабр, 2025, 12 Жумадул сони, 1447
Ўзбекистон Республикаси давлат мустақиллигининг 34 йиллик байрами муносабати билан тизимдаги диний соҳа ходимлари ўртасида “Ватан учун, миллат учун, халқ учун!” шиори остида жорий йилнинг 24 август куни “Футбол” мусобақаси ўтказилди.
Мусобақанинг тантанали очилиш маросимида Андижон вилояти бош имом-хатиби Мирзамақсуд домла Алимов сўзга чиқиб, юртимиз истиқлол айёми муносабати билан ўтказилаётган беллашувнинг аҳамияти ҳақида нутқ сўзлади ва иштирокчиларга омад ҳамда зафарлар тилади.
Беллашув диний соҳа ходимларининг ақлий ва жисмоний фаоллигини ошириш, жамоавий ҳамфикрликни қўллаб-қувватлаш ва ҳамжиҳатликни мустаҳкамлаш мақсадида Ўзбекистон мусулмонлари идораси раҳбарияти тавсияси асосида ташкил этилди.
Вилоят шаҳар ва туманларидан ташриф буюрган жамоалар ўртасидаги мусобақа қизғин баҳсларга бой тарзда ўтди.
Мусобақа якунида Андижон шаҳар жамоаси ғолибликни қўлга киритди. Шунингдек, ғолиблар ва турли йўналишларда ўз маҳоратларини намоён этган иштирокчилар Ўзбекистон мусулмонлари идораси Андижон вилоят вакиллигининг фахрий ёрлиқлари ҳамда эсдалик совғалари билан тақдирландилар.
Вакиллик матбуот хизмати
Бисмиллаҳир Роҳманир Роҳийм
Абдуллоҳ ибн Абу Авфодан ривоят қилинади:
Мадинада бир ногирон киши бор эди. У яқинларига: “Мени Расулуллоҳ соллаллоҳу алайҳи васаллам масжидга борадиган йўлга қўйинглар”, деди. Ногирон Расулуллоҳ соллаллоҳу алайҳи васалламнинг йўлларига қўйилди. Расулуллоҳ соллаллоҳу алайҳи васаллам қачон масжидга борсалар, унга салом берар эдилар.
Бир куни Расулуллоҳ соллаллоҳу алайҳи васаллам билан бирга ўтирган эдик. У зот алайҳиссаломнинг олдиларига биров келиб, ногирон кишининг вафот этганини етказди. Расулуллоҳ соллаллоҳу алайҳи васаллам ўринларидан турдилар, биз ҳам у зот билан бирга турдик. Кулбага яқинлашганларида, саҳобаларига: “Мендан бошқа бирор киши кулбага яқинлашмасин!” дедилар. Расулуллоҳ соллаллоҳу алайҳи васаллам уйга яқин келдилар. У ерда Жаброил алайҳиссалом ногирон кишининг бошида ўтирган эди. Жаброил алайҳиссалом: “Ё Аллоҳнинг Расули! Агар Сиз келмаганингизда, ўрнингизга унинг (марҳумнинг ювиш) ишини биз бажарар эдик. Аммо сиз келдингиз ва бунга сиз ҳақлироқсиз”, деди. Расулуллоҳ соллаллоҳу алайҳи васаллам ўринларидан туриб, ўз қўллари билан уни ювдилар, кафанладилар ва унга жаноза ўқиб, қабрга қўйдилар”.
Даврон НУРМУҲАММАД
Абд Ибн Ҳумайд Кешийнинг "Муснади Кеший" асаридан.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 