Президент Шавкат Мирзиёевнинг ташаббуси билан ташкил этилаётган мазкур нуфузли халқаро маънавий-маърифий конгрессда Марказий Осиё давлатлари раҳбарлари ташрифлари ҳам кутилмоқда.
“Марказий Осиёда маънавий мерос ва маърифатпарварлик” мавзусидаги мазкур халқаро конгресс минтақанинг 300 га яқин илм, санъат, маърифат, маданият вакиллари, тадқиқотчилару олимларини бир мақсад йўлида бирлаштирмоқда.
Мазкур халқаро конгресс Ўзбекистон Республикаси Президенти Шавкат Мирзиёев ташаббуси билан амалга оширилаётган минтақанинг маданий ва тарихий меросини бирлаштириш, бой маънавий, маданий ва илмий меросга эга ҳудуд сифатидаги аҳамиятини кўрсатиш ҳамда янги интеграцион ташаббуслар учун замин, бир сўз билан айтганда, ягона маданий макон сифатида тарғиб қилиш каби муҳим мақсадлар йўлидаги муҳим қадамдир.
Ўзбекистондаги Ислом цивилизацияси марказида қатор вазирлик ва ташкилотларнинг масъуллари иштирокида ушбу нуфузли халқаро тадбирни юқори савияда ўтказишга бағишланган йиғилиш бўлиб ўтди.

Йиғилишда масъул вазирлик ва ташкилотларнинг мазкур халқаро тадбирдаги вазифалари ва уларнинг ижросини таъминлаш борасидаги мажбуриятлари кўриб чиқилди.
Конгресс қатнашчилари ва меҳмонлари учун нуфузли тадбир мақсадига ҳамоҳанг маданий-маърифий тадбирлар, қатор илмий мавзуларда муҳокама йиғилишларини ташкил этиш каби масалалар муҳокама қилинди.



Ўзбекистон Фанлар академияси вице-президенти Баҳром Абдуҳалимов конгресснинг илмий ва маънавий аҳамиятини таъкидларкан, “Бу форум Марказий Осиё халқларининг умумий маданий илдизларини янада яқинлаштиради” деди.
Конгресс доирасида ялпи йиғилиш ва бир нечта шўъба йиғилишлари ўтказилиши режалаштирилган бўлиб, уларда халқаро ва маҳаллий экспертлар, илм-фан, маданият соҳаси вакиллари иштирок этадилар.




Шунингдек, анжуман доирасида кўргазмалар, маданий дастурлар ва илмий нашрлар тақдимоти ҳам ташкил этилиши кўзда тутилган.
Кўргазмаларда Марказий Осиё мамлакатларининг машҳур муаллифларнинг дурдона китоблари, бадиий ва ҳужжатли фильмлар намойиши, рассомларнинг фотокўргазмалари кутиляпти.
Шунингдек, халқаро конгресснинг маданий тадбирлари доирасида Марказий Осий ва Озарбайжон кино кунлари ўтказилиши ҳам режалаштирган.
Йиғилиш якунида барча идоралардан ушбу белгиланган вазифаларнинг ижросини таъминлаш, халқаро конгрессни юқори савияда ўтказиш бўйича масъул вакиллар белгиланиб, тадбирни мувофиқлаштирувчи Махсус штаб тузилиши ҳақида қарор қабул қилинди.
Ташкилотчиларнинг таъкидлашича, бу тадбир нафақат ижодкорлар ва олимлар мулоқотини кенгайтиради, балки минтақавий маданий алоқаларни мустаҳкамлаб, Ўзбекистоннинг халқаро нуфузини янада оширади.
https://cisc.uz/ky/news-item/692/
Шу йилнинг 7–11 ноябрь кунлари Ўзбекистоннинг делегацияси Саудия Арабистонида бўлиб ўтадиган Ҳаж хизматлари халқаро кўргазмаси ва конференциясида қатнашади. Шунингдек, муборак сафарни юқори даражада ўтказиш билан боғлиқ вазифалар юзасидан икки томонлама музокаралар олиб борилади.
Мазкур делегация таркибидан Ўзбекистон Республикаси Президентининг диний-маърифий масалалар бўйича маслаҳатчиси Музаффар Камилов, Дин ишлари бўйича қўмита раиси Содиқжон Тошбоев, Ўзбекистон мусулмонлари идораси раиси, муфтий Шайх Нуриддин Холиқназар ҳазратлари, Вазирлар Маҳкамаси масъул ходими Орифхон Закиров, “Ҳаж” ва “Умра” бўйича атташе Шуҳрат Амоний ҳамда бир қатор соҳа мутахассислари ўрин олган.
Ушбу анжуманнинг асосий ўзига хослиги — зиёратчиларга хизмат кўрсатиш сифатини янги босқичга олиб чиқишдир. Хусусан, тадбирда ҳаж сафарини ташкил этишда рақамли технологиялар, сунъий интеллект имкониятлари ва илғор инновацион лойиҳалар тақдимоти ўтказилиши кутилмоқда.
Сафар давомида «Ҳаж–2027» мавсумини юқори савияда ва кўтаринки руҳда ўтказиш мақсадида делегациямиз томонидан бир қатор муҳим вазифалар амалга оширилади:
Саудия Арабистони Ҳаж ва умра вазирлиги раҳбарияти билан бўлажак мавсумга пухта ҳозирлик кўриш юзасидан музокаралар олиб бориш;
Бўлғуси ҳожиларимиз учун мўлжалланган меҳмонхоналар ва транспорт хизматларининг сифатини бевосита кўздан кечириш;
Мино, Арафот ва Муздалифа водийларида зиёратчиларга яратиладиган шарт-шароитлар ва хизмат кўрсатиш ҳолатини ўрганиш;
Ҳаж жараёнларига масъул бўлган бошқа ҳамкор идоралар билан ўзаро алоқаларни муҳокама қилиш ва мустаҳкамлаш;
Ҳаж сафарини ташкил этишдаги муҳим йўналишлар бўйича ўқув-семинарларида иштирок этиш.
Ўзбекистон мусулмонлари идораси Матбуот хизмати