Bugun, 9 iyun' kuni O'zbekiston musulmonlari idorasi raisining birinchi o'rinbosari Homidjon domla Ishmatbekov va Toshkent islom instituti katta ustozi Muhammad Ayyubxon domla Homidov Andijon viloyatiga safardari mobaynida Shahrixon tumanidagi “Muhammad Roziqboy” masjidida Shahrixon, Oltinko'l va Bo'ston tumani imom-xatib, imom noib va mahalliy domlalari bilan bugun zamonda diniy soha xodimlari zimmasidagi mas'uliyat va burchlar haqida davra suhbat o'tkazdilar.

Homidjon domla Ishmatbekov o'z so'zida yurtimiz va dunyodagi jarayon, diniy sohadagi o'zgarishlar haqida so'zlab, bugungi davr imom-xatib, imom noibi va shu sohada xizmat qilayotgan soha egalaridan o'z ustida ishlashni, jamiyatimizga haqiqiy ma'noda peshvo bo'lib, odamlarni, ayniqsa, yoshlarimizni yaxshilikka chaqirishi, yomonlikdan qaytarishi lozimligi, ularning tarbiyasiga alohida diqqat qaratish haqida ma'ruza qildilar.

Suhbat yakunida ulamolar Haq taolo yurtimizga tinchlik-ofiyat, fayzu baraka va tan-sihatlik so'rab duolar qildilar.

O'zbekiston musulmonlari idorasi matbuot xizmati