Avval, O'zbekiston musulmonlari idorasi raisi, muftiy Usmonxon Alimov hazratlari boshchiliklaridagi bir guruh ulamolar Andijon viloyatiga tashrif buyurishgani haqida xabar bergan edik. Ushbu ulamolar qatorida Shayx Alijon qori ham fayzli tadbirlarda ishtirok etmoqda.
Shayx Alijon qori Andijon shahridagi “Imomi A'zam” jome masjidida peshin namozini mo'min-musulmonlar bilan birga-birga ado etib, o'zlarining go'zal qiroatlari bilan yig'ilgan namozxonlarning qalblarini jo'nbushga keltirdi va ko'zlariga yosh balqitdi.
Ma'lumot o'rnida, Al-Quran.uz mobil' ilova loyiha rahbari Shayx Alijon qori Al-Azhar universitetining Shariat va Qonun fakul'teti hamda Ulumul Qur'on va qiroat ilmlariga ixtisoslashgan ilm dargohlarida tahsil olgan. Shayx Alijon qori Qur'oni karim va tajvid ilmi bo'yicha eng mo''tabar ustozlarning ijozalarini olgan.
O'zbekiston musulmonlari idorasi Matbuot xizmati
2026 yilning ilk kunlarida viloyat bosh imom-xatibi viloyatimizda faoliyat yuritayotgan shahar va tuman bosh imom-xatiblari ishtirokida uchrashuv o‘tkazdi.
Uchrashuvda yangi milodiy yilda amalga oshirilishi belgilangan ustuvor vazifalar, joylarda diniy-ma’rifiy ishlar sifatini oshirish, aholi orasida ma’naviy targ‘ibotni kuchaytirish, yoshlar va oilalar bilan ishlash hamda jamoatchilik bilan hamkorlikni yanada mustahkamlash masalalari atroflicha muhokama qilindi. Viloyat bosh imom-xatibi tomonidan har bir yo‘nalish bo‘yicha aniq vazifalar belgilab berilib, amaliy ko‘rsatma va tavsiyalar berildi.
Shuningdek, imom-xatiblarning mas’uliyati, intizomi va jamiyat oldidagi burchi alohida ta’kidlanib, 2026 yilda diniy sohadagi faoliyatni yanada tizimli, mazmunli va samarali tashkil etish zarurligi qayd etildi. Mazkur uchrashuv yangi yilda joylarda olib boriladigan ishlarga mustahkam asos bo‘lib xizmat qildi.
O‘zbekiston musulmonlari idorasi
Samarqand viloyati vakilligi Matbuot xizmati