O'zbekiston musulmonlari idorasi tomonidan muborak Ramazon oyini munosib tarzda kutib olish, uni yuqori saviyada o'tkazish va Taroveh namozlarida mo'min-musulmonlarga qulay shart-sharoitlar hozirlash maqsadida masjidlarda tayyorgarlik ishlari boshlandi.




Jumladan, masjidlarda Taroveh namozlariga qulay shart-sharoitlarni hozirlash maqsadida, joriy yilning 10 aprel', shanba kuni “Ozodalik kuni” o'tkaziladi.
Koronavirus kasalligi bilan bog'liq murakkab vaziyat davom etayotganini inobatga olgan holda taroveh namozlarida sanitariya-epidemiologik nazorat kuchaytiriladi. Hususan, namozxonlar tibbiy niqobda bo'lish, oraliq masofani saqlash, tashrif buyuruvchilar tana haroratini o'lchash, antiseptik vositalardan foydalanish kabi karantin tartib-qoidalariga rioya qilinadi.
Masjidlarda elektr, gaz va yong'in xavfsizligi hamda namoz o'qiladigan joylar muhofazasiga katta e'tibor qaratiladi, texnik jihozlarning sozligi ko'rikdan o'tkaziladi.
Imom-xatiblar tamonidan OAV va Internet saytlari, ijtimoiy tarmoqlarda Ramazon oyining mazmun-mohiyatini o'zida mujassam etgan chiqishlari qilinadi. Shuningdek masjidlardagi Taroveh namozlarining shukuhi, mo'min-musulmonlarning xushkayfiyati ham keng yoritiladi.
Alloh taolo yurtimiz va dunyo musulmonlarini Ramazon oyiga eson-omon etkazib, O'zi rozi bo'ladigan tarzda o'tkazishimizni nasib aylasin. Ushbu ulug' oyda bo'ladigan toat-ibodatlar va duo iltijolarimiz sababidan butun dunyodan vabo va ofatlarni ko'tarsin!
O'zbekiston musulmonlari idorasi matbuot xizmati
Bugun, 11 noyabr kuni Andijon viloyatida faoliyat ko‘rsatayotgan shahar-tuman bosh imom-xatiblari ishtirokida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining "Ey bandalarim…" Bir qudsiy hadis sharhi nomli kitoblari taqdimoti o‘tkazildi.
Kitob taqdimotida viloyat bosh imom-xatibi Mirzamaqsud domla Alimov tomonidan ushbu kitob ayni damda juda dolzarb ekanligi, bu kitobdagi mavzular dinimizning asoslari, hukmlar, odoblari haqida hadislardan olinadigan hikmat va foydalar haqida keng ma’lumotlar berilganligini ta’kidlab o‘tildi.
O‘zbekiston musulmonlari idorasi Andijon viloyati vakilligi Matbuot xizmati