Sayt test holatida ishlamoqda!
22 Fevral, 2026   |   5 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:50
Quyosh
07:09
Peshin
12:42
Asr
16:22
Shom
18:09
Xufton
19:21
Bismillah
22 Fevral, 2026, 5 Ramazon, 1447
Avvalgi sayt
#search
 YouTube

Saudiya Arabistoni Ramazon oyi munosabati bilan 50 tonna xurmo sovg'a qildi

24.03.2021   4249   3 min.
Saudiya Arabistoni Ramazon oyi munosabati bilan 50 tonna xurmo sovg'a qildi

Shu yil 23 mart kuni O'zbekiston musulmonlari idorasi raisining birinchi o'rinbosari Homidjon Ishmatbekov, “Vaqf” xayriya jamoat fondi rahbari Yahyo Abdurahmonov va Saudiya Arabistonining O'zbekistondagi elchisi Hishom ibn Mish'al as-Suvaylim o'rtasida muloqot bo'lib o'tdi.

Samimiy suhbatda tomonlar so'nggi yillarda O'zbekiston hukumatining Saudiya Arabistoni bilan hamkorlik aloqalari kengayib borayotgani haqida to'xtalib, ikki xalqni bog'lab turuvchi mushtarak jihatlar – din, madaniyat, ilm-ma'rifat borasidagi aloqalarni alohida qayd etdilar.

Do'stona uchrashuv chog'ida Saudiya Arabistonidagi “Podshoh Salmon” nomidagi insonparvarlik yordami markazi tomonidan Ramazon oyi munosabati bilan xayriya sifatida 50 tonna xurmo topshirildi. Taqdim etilgan xurmolar uchun “Podshoh Salmon” fondi va Saudiya Arabistonining elchixonasiga O'zbekiston musulmonlari idorasi tomonidan minnatdorlik bildirildi. Shuningdek, ushbu xayriya tadbirining muborak Ramazon oyi arafasida amalga oshirilishi ayni muddao ekani ta'kidlandi. O'z o'rnida elchi janoblari kelgusida O'zbekistonda shu kabi xayriya tadbirlarni ko'proq tashkil etilishini ma'lum qildi.

Mazkur xurmolar “Vaqf” xayriya jamoat fondi tomonidan Ramazon oyi arafasida respublikamizdagi tashkilotlar, masjidlar, madrasalarga xayriya sifatida tarqatilishi rejalashtirilgan.
Uchrashuv do'stona va samimiy ruhda o'tdi.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Mehr ulashgan Ramazon: ehtiyojmandlarga amaliy g‘amxo‘rlik

22.02.2026   2607   1 min.
Mehr ulashgan Ramazon: ehtiyojmandlarga amaliy g‘amxo‘rlik

Ramazon oyi insonlar qalbida mehr-oqibat, saxovat va bag‘rikenglik tuyg‘ularini yanada mustahkamlaydigan ayni palladir.


Bu muqaddas oyda ehtiyojmand oilalarni qo‘llab-quvvatlash, ularning turmush farovonligini yaxshilash va jamiyatda o‘zaro g‘amxo‘rlik muhitini kuchaytirish muhim ahamiyat kasb etadi. Davlat tomonidan amalga oshirilayotgan ijtimoiy qo‘llab-quvvatlash choralari ana shu ezgu maqsadlarga xizmat qilmoqda.

Ramazon oyi munosabati bilan mamlakatimizda muhtoj oilalarni qo‘llab-quvvatlash maqsadida bir martalik moddiy yordam ajratilmoqda. Tegishli tartibga muvofiq, ehtiyojmand fuqarolarga 1 million va 500 ming so‘m miqdorida moliyaviy ko‘mak taqdim etilmoqda.
 

Mazkur tashabbus nafaqat moddiy yordam, balki davlatning aholiga bo‘lgan e’tibori, g‘amxo‘rligi va ijtimoiy mas’uliyatining amaliy ifodasidir. Ayniqsa, muqaddas oyda bunday ko‘makning yetkazilishi hududlardagi ko‘plab oilalar uchun katta ma’naviy qo‘llab-quvvatlash bo‘lmoqda.


Jumladan, Namangan viloyatida ham 68 mingdan ortiq oilaga bir martalik moddiy yordam yetkazilishi rejalashtirilgan. 
 

Joylarda bu jarayon izchil va manzilli tarzda amalga oshirilib, yordam haqiqatan ehtiyojmand aholi qatlamini qamrab olishga alohida e’tibor qaratilmoqda.


Bunday ijtimoiy qo‘llab-quvvatlash tadbirlari jamiyatda o‘zaro mehr-muruvvat muhitini mustahkamlab, inson qadri va farovonligini ta’minlashga qaratilgan islohotlarning amaliy natijasini namoyon etmoqda. Ramazon oyida ezgulik va saxovat har bir xonadonga kirib borayotgani esa bu ishlar samarasining yaqqol ifodasidir. 
 

Bunday savobli amallar respublikaning barcha tumanlarida davom ettiriladi. 

Muhayyo Toshqorayeva, O‘zA

Mehr ulashgan Ramazon: ehtiyojmandlarga amaliy g‘amxo‘rlik
O'zbekiston yangiliklari
#logo