Sayt test holatida ishlamoqda!
08 Fevral, 2026   |   20 Sha`bon, 1447

Toshkent shahri
Tong
06:07
Quyosh
07:27
Peshin
12:42
Asr
16:06
Shom
17:52
Xufton
19:05
Bismillah
08 Fevral, 2026, 20 Sha`bon, 1447

Shoazim Minovarov Halqaro Ibn Sino mukofoti bilan taqdirlandi

05.03.2021   1673   1 min.
Shoazim Minovarov Halqaro Ibn Sino mukofoti bilan taqdirlandi

2016 yilda Frantsiya meditsina akademiyasi, “Avitsenna – Franse” (Ibn Sino – Frantsiya) jamiyati va MYeD21 dasturi tomonidan ta'sis etilgan Halqaro Ibn Sino mukofoti 2021 yilda O'zbekistondagi Islom tsivilizatsiyasi markazi direktori Shoazim Minovarovga topshirildi.
Bu haqda xalqaro hay'at qarori e'lon qilindi.

O'zbekistondagi Islom tsivilizatsiyasi markazi direktsiyasi qarorgohi Frantsiyada joylashgan “Ibn Sino – Frantsiya” jamiyati rahbari, professor Bonnel va u orqali xalqaro hay'at a'zolariga minnatdorlik maktubi yo'lladi. Unda, jumladan, ushbu qaror so'nggi yillarda O'zbekistonda Prezident Shavkat Mirziyoev rahbarligida O'rta asrlar allomalarining bebaho merosini saqlash va o'rganish bo'yicha amalga oshirilayotgan keng ko'lamli ishlarning e'tirofi sifatida qabul qilingani bayon etilgan.

O'zbekiston musulmonlari idorasi jamoasi Shoazim Minovarovni ushbu nufuzli mukofot bilan muborakbod etadi.



O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Maqolalar

“Oq uy” jome masjidi (fotolavha)

06.02.2026   2402   1 min.
“Oq uy” jome masjidi (fotolavha)

Poytaxtimizning fayzli mahallalaridan biri “Fayzobod”da qo‘r to‘kib turgan “Oq uy” jomesini ko‘rgan kishining dili yayraydi. Zamonaviy uslubda did bilan qurilgan masjidga namozxonlar shaharning hamma joyidan bir martagina bo‘lsa ham boshini sajdaga qo‘yish ishtiyoqida keladi.
 

Ilgari bu yerda faqat kichik namozxona bo‘lgan. “Fayzobod” va yon-atrofdagi mahallalarda istiqomat qiladigan namozxonlarga qulaylik yaratish maqsadida 2018 yilning 18 iyunida Mirobod tumanidagi “Oq uy” musulmonlar qabristoni hududida yangi jome masjid barpo etish to‘g‘risida Toshkent shahar hokimligining qarori chiqdi.


2019 yil fevral oyida “Oq uy” jome masjidi poydevoriga birinchi g‘isht qo‘yildi. Hashar yo‘li bilan yangi barpo etilgan “Oq uy” masjidi 2024 yil mart oyida foydalanishga topshirildi. Masjid xonaqohi sig‘imi olti ming kishiga mo‘ljallangan, hayit namozlarida o‘n-o‘n ikki ming kishi namoz o‘qiydi.


Jomening ikki qanotida ikkinchi qavatlari ham mavjud. Shuningdek, katta xonaqoh hajmicha keladigan yerto‘lasi ham bor va u yerda ham namoz o‘qiladi. Masjidning bitta minorasi bo‘lib, balandligi yigirma yetti metr.


Imom-xatib va imom noiblari uchun to‘rtta xona ajratilgan. Ulardan tashqari, yana beshta umumiy xizmat xonasi, masjid kutubxonasida esa 250 dan ortiq kitob bor. Issiq va sovuq suv bilan ta’minlangan zamonaviy tahoratxona bir vaqtning o‘zida 120 kishiga xizmat ko‘rsatadi. 


Robiya DAMIN qizi

“Islom nuri” gazetasining 2026 yil 1-sonidan

http://hidoyatuz.taplink.ws

“Oq uy” jome masjidi (fotolavha) “Oq uy” jome masjidi (fotolavha) “Oq uy” jome masjidi (fotolavha) “Oq uy” jome masjidi (fotolavha) “Oq uy” jome masjidi (fotolavha) “Oq uy” jome masjidi (fotolavha)
Maqolalar