Sayt test holatida ishlamoqda!
06 Fevral, 2026   |   18 Sha`bon, 1447
search icon
Avvalgi sayt
ЎЗ РУ EN AR

Toshkent shahri
Tong
06:09
Quyosh
07:29
Peshin
12:42
Asr
16:03
Shom
17:49
Xufton
19:03
Bismillah
06 Fevral, 2026, 18 Sha`bon, 1447
Avvalgi sayt
#search
 YouTube

«Belt & Road News»: "O'zbekiston 2025 yilda yillik xorijiy sayyohlar sonini 9 millionga etkazmoqchi"

23.02.2021   1909   2 min.
«Belt & Road News»:

Gonkongdagi etakchi ommaviy axborot vositalaridan biri "Belt & Road News" axborot-tahliliy onlayn portalida shu sarlavhadagi maqola chop etildi. U O'zbekiston sayyohlik salohiyati va mamlakatimizda mazkur sohani rivojlantirish bo'yicha ko'rilayotgan muhim chora-tadbirlarga bag'ishlangan, deb xabar bermoqda «Dunyo» AA.

Maqolada qayd etilishicha, O'zbekiston Buyuk ipak yo'li chorrahasida joylashgan mamlakat sifatida Sharq va G'arb o'rtasidagi savdo aloqalari va madaniy almashinuvlar rivojlanishida tarixan muhim o'rin tutgan. Samarqand, Buxoro, Hiva kabi ko'hna shaharlar madaniyat va ma'rifat markazlari sifatida qadimgi tsivilizatsiya rivojiga beqiyos hissa qo'shgan. Bugungi kunda ham necha-necha asrlardan buyon qad rostlab turgan juda ko'plab tarixiy-me'moriy obidalar butun dunyo sayyohlarining e'tiborini o'ziga jalb etmoqda.

Shuningdek, unda O'zbekiston tomonidan mamlakat sayyohlik jozibadorligini yuksaltirish, ushbu sohada faoliyat yuritayotgan xususiy kompaniyalar uchun qulay shart-sharoitlar yaratilayotgani jabhani yanada rivojlantirish uchun xizmat qilayotganiga alohida e'tibor qaratilgan. Hususan, nashr O'zbekistonga xorijiy sayyohlar oqimini ko'paytirish maqsadida joriy yil 1 martidan e'tiboran Hitoy, jumladan, Gonkong va Makao maxsus ma'muriy hududlari fuqarolari uchun 10 kunlik vizasiz rejim joriy etilganini ta'kidlar ekan, yaratilgan bunday qulay tizim Bahrayn, Qatar, Quvayt va O'mon kabi mamlakatlarga ham taalluqli ekanini ma'lum qiladi.

«O'zbekiston 2025 yilga borib yillik xorijiy sayyohlar sonini 9 millionga etkazish niyatida. Hozirgi epidemiologik vaziyat bilan bog'liq barcha cheklovlarni hisobga olganda bu murakkab vazifa hisoblansada, so'nggi yillarda mamlakatda tashqi turizm bilan birga ichki turizm ham juda faol rivojlanmoqda. Bu esa turizm sohasidagi rivojlanish o'suvchanligini saqlab qolishda juda muhim ahamiyat kasb etmoqda», - deb yozadi «Belt & Road News».

Nashr o'z o'quvchilarini O'zbekistonda turizm sohasi uchun kadrlar tayyorlash, sayyohlik qadamjolariga boy shaharlarda ijtimoiy infratuzilmani takomillashtirish va xizmat ko'rsatish darajasini oshirish masalalariga katta e'tibor qaratayotgani bilan ham tanishtirgan.

Ta'kidlanganidek, bu yo'nalishda amalga oshirilayotgan islohotlar mamlakatda ekoturizm, geoturizm, alpinizm, ekstremal, madaniy turizm, baliq ovlash, rafting va boshqa ko'plab yangi yo'nalishlarni jadal rivojlantirish uchun qulay imkoniyatlarni yaratmoqda.

 

O'zbekiston musulmonlari idorasi matbuot xizmati

Dunyo yangiliklari
Boshqa maqolalar
Maqolalar

Alloh mo‘minlarni tavakkul qilishga buyurdi

06.02.2026   146   2 min.
Alloh mo‘minlarni tavakkul qilishga buyurdi

Bismillahir Rohmanir Rohiym

Mo‘minlar tavakkul qilishga ommatan amr qilinishlari o‘tgan Rasullarning tillari orqali keldi. Masalan, ularni qavmlariga ushbu shaklda javob berishlarini ko‘rishimiz mumkin:

﴿قَالَتْ لَهُمْ رُسُلُهُمْ إِنْ نَحْنُ إِلَّا بَشَرٌ مِثْلُكُمْ وَلَكِنَّ اللَّهَ يَمُنُّ عَلَى مَنْ يَشَاءُ مِنْ عِبَادِهِ وَمَا كَانَ لَنَا أَنْ نَأْتِيَكُمْ بِسُلْطَانٍ إِلَّا بِإِذْنِ اللَّهِ وَعَلَى اللَّهِ فَلْيَتَوَكَّلِ الْمُؤْمِنُونَ﴾

“Payg‘ambarlari ularga: «Biz sizga o‘xshash bashardan o‘zga hech narsa emasmiz. Lekin Alloh O‘z bandalaridan kimni xohlasa, o‘shanga (Payg‘ambarlik) in’om qilur. Biz o‘zimizcha sizga biror hujjat keltira olmaymiz, illo Allohning izni ila. Mo‘minlar faqat Allohgagina tavakkul qilsinlar”[1].

Yoki bo‘lmasa Muso alayhissalomning as'hoblaridan bo‘lgan ikki kishining qavmlariga Muqaddas yerga kirishda jabr qiluvchilarning jabridan qo‘rqmasliklarini aytgan so‘zlarida ko‘rish mumkin:

﴿قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ﴾

«Ulardan (Allohdan) qo‘rqadiganlardan bo‘lgan va Alloh ularga ne’mat ato etgan ikki kishi: “Ularning ustiga eshikdan kirib boringlar. Agar unga kirsangiz, albatta, g‘olib bo‘lasizlar. Agar mo‘min bo‘lsangiz, Allohga tavakkul qilingiz”, dedilar»[2].

Iymon mustahkam bo‘lishi uchun tavakkul qilish shart qilindi. Yuqoridagi oyatlar bizdan oldingilarga aytilgan deyilmaydi. Bunda bizga ibrat ham, namuna ham yo‘q deyishlik hato hisoblanadi. Bu fikr Qur’onda kelgan oyatga xilofdir. Shariatimiz tavakkul qilishni bekor etmadi balki, ta’kidlashni ziyoda qildi. Alloh taolo tavakkulni sodiq mo‘minlarning sifatlaridan sanadi:

﴿إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آَيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ﴾

“Albatta, Alloh zikr qilinsa, qalblari titraguvchi, oyatlari tilovat etilsa, iymonlarini ziyoda qilguvchi va Robbilariga tavakkul qilguvchilargina mo‘minlardir”[3].


Yusuf Qarazoviy rahimahullohning
"Tavakkul" kitoblaridan

[1] Ibrohim surasi, 11-oyat.
[2] Moida surasi, 23-oyat.
[3] Anfol surasi, 2-oyat.

Maqolalar
#logo