Ziyoratchilar Haj ibodatini xavfsiz va qulay sharoitda bajarishlari uchun Saudiya Arabistoni hukumati yangi qoidalarni joriy qildi.

2024 yil ziyoratchilar soni ortishi kutilayotgani sababli Saudiya Arabistoni Haj vazirligi yangi qoidalar to'plamini joriy etdi va tashrif buyuruvchilarni joylashtirish maqsadida ko'proq binolar qurishga qaror qildi.

Makka meriyasi matbuot kotibi Usoma Zaytun ziyoratchilar uchun 3800 ga yaqin turli konfiguratsiyadagi binolardan foydalanishini ma'lum qildi. Rasmiy binolar soni esa 5000 taga etishi mumkin. Chunki bu yil ziyoratchilar soni kutilganidan ko'ra ko'p bo'lishi taxmin qilindi.

Usoma Zaytun bino egalarini ziyoratchilarga sharoitni yaxshilash va ma'lum bir binoda to'lib ketmaslikni oldini olish maqsadida binolarni ro'yxatdan o'tkazishga chaqirdi.

Ma'lumotlarga ko'ra, 2023 yilda Haj ibodatini ado etgan ziyoratchilar soni 2 million atrofida bo'lgan. 

Bundan tashqari, Haj mavsumini muammosiz va uyushqoqlik bilan o'tkazish masalasi ham ko'rib chiqilgan. 

Yangi joriy etilgan qarorda shartnomalarni yakunlash tartibi har bir mamlakat uchun o'rinlarni tasdiqlaydi. 

Saudiya Arabistonining Haj vaziri Tavfiq Al-Rabiahning so'zlariga ko'ra, mamlakatlarga yangi aniq joylar berilmasa ham, shartnomalarini erta boshlagan davlatlar muqaddas maskanda tegishli joylarni ta'minlashda birinchi o'ringa ega bo'ladilar.

Bundan tashqari, 2024 yilgi Haj mavsumiga viza topshirish 1 martdan boshlanadi va shavvol oyining 20-sanasi, ya'ni 29 aprelda tugaydi.

Ziyoratchilarning birinchi parvozi 9 may, 1-Zulqa'da kuni muqaddas joyga etib boradi. 
Saudiya Arabistoni hukumatining ma'lumotiga ko'ra, keyingi Haj mavsumida ziyoratchilarning xavfsizligi va qulayligini ta'minlashga oid o'zgarishlar zarur ekanligi qayd etilgan.