O'zbekiston musulmonlari idorasi tasarrufidagi “Ko'kaldosh” bilim yurti bitiruvchisi No''monxon Yahyoxon bilan saodat asriga sayohat qilib, sahobalar hayotiga oid ta'sirli lavhalarni yangi tashkil etilgan “Peshqadamlar” loyihasida yoritib borish rejalashtirilgan.
Aziz muxlis, muslim.uz ijodkorlari Allohning yordami ila yana bir xayrli loyihaga qo'l urdi. Bundan maqsad Islom dini ma'rifatini Hazrati Payg'ambarimiz Muhammad sollallohu alayhi va sallamdan o'rganib, keyingi avlodlarga etkazib ketgan sahobalar hayotiga chuqur nazar solib, din rivoji yo'lida qilgan buyuk xizmatlarini ko'rsatib, ibrat olish sanaladi.
Islom tarixi sahobalar hayoti bilan chambarchas bog'liq. Ular payg'ambarlardan keyin insonlarning eng komil va fozillaridir. Sahobalarning eng yaxshilari to'rt xalifa, keyin jannatga kirishi bashorat qilinganlar, Badr va Uhud, Rizvon ishtirokchilari turadi. Shuningdek, ularning birlari ilmda, yana birlari halimlikda, boshqalari esa saxovat yo jasorat bobida peshqadam bo'lganlar. Alloh ulardan rozi bo'lsin.
Mana shunday ma'rifiy loyihalarni har bir talaba, har bir bitiruvchi yoki diniy soha xodimi silsila shaklida olib borishida bizning sayt va ijtimoiy tarmoqlarimiz minbar vazifasini o'tashi mumkin.
Haq taolo ushbu “Peshqadamlar” ko'rsatuvini muvaffaqiyatli qilsin!
O'zbekiston musulmonlari idorasi Matbuot xizmati
@muslimuzportal | @mp3muslim | @diniysavollar
Bismillahir Rohmanir Rohiym
Shavvol oyida ro‘za tutishning foydalaridan biri - farz ro‘zasida yuzaga kelgan kamchilik va nuqsonlarni to‘ldirishidir.
Hofiz Ibn Rajab Hanbaliy bunday deydi: "Shavvol va Sha’bon oylarida ro‘za tutish - farz namozidan oldin va keyin o‘qiladigan sunnat namozlar kabidir. Ular orqali farzda sodir bo‘lgan kamchilik va nuqsonlar to‘ldiriladi. Chunki Qiyomat kuni farz amallar nafl ibodatlar bilan to‘ldiriladi va mukammal qilinadi. Bu haqda Payg‘ambar sollallohu alayhi vasallamdan turli rivoyatlar kelgan. Odamlarning ko‘pchiligi farz ro‘zasida kamchilik va nuqsonga yo‘l qo‘yadi, shuning uchun uni to‘ldirib, mukammal qiladigan amallarga muhtoj bo‘ladi".
Homidjon domla ISHMATBЕKOV