Shu yil 6 fevral' kuni Farg'ona viloyati tuman-shahar bosh imom-xatiblari va imom-noiblari bilan uchrashuv o'tkazildi.
Yig'ilishda O'zbekiston musulmonlari idorasi raisi o'rinbosari Jaloliddin domla Hamroqulov, Din ishlari bo'yicha qo'mita boshqarma boshlig'i Muhiddin Hakimov, O'zbekiston musulmonlari idorasi bo'lim mudiri Muzaffar Kamolov va Farg'ona viloyati bosh imom-xatibi Ubaydulloh domla Abdullayev ishtirok etdi.
Tadbirda so'zga chiqqan soha mutasaddi vakillari yurtimizda diniy-ma'rifiy sohada bo'layotgan xayrli ishlar, mo'min-musulmon xalqimizning ilmu ma'rifatini yukslatirish, ibodatlarini emin-erkin ado etishi uchun munosib sharoit yaratish, kelgusida diniy soha xodimlari oldida turgan muhim vazifalar alohida ta'kidlab o'tildi.
Yig'ilish davomida imom-xatiblar bilan birga imom-noiblarning ham muayyan vazifalari borligi, o'z ishiga ixlos va sadoqat bilan yondashishda diniy soha xodimlari boshqalarga namuna bo'lishi lozimligi, yaqinlashib kelayotgan muborak Ramazon oyiga tayyorgarlik ko'rish, masjidlardagi qurilish va obodonchilik ishlariga e'tibor berish lozimligi qayd etildi.



O'zbekiston musulmonlari idorasi
Matbuot xizmati
Uchrashuvda Qoraqalpog‘iston Respublikasi Jo‘qorg‘i Kengesining Raisi Amanbay Orinbayev so‘zga chiqib, so‘nggi yillarda muhtaram Prezidentimiz rahbarligida Qoraqalpog‘iston uchun alohida qabul qilingan qaror va farmonlar, shu orqali yaratilgan imtiyoz va imkoniyatlar haqida atroflicha to‘xtalib o‘tdi.
Shuningdek, qisqa vaqt ichida Qoraqalpog‘iston tarixi sahifalarida o‘ziga xos o‘rin egallagan muhim yangiliklar, bugungi kunda amalga oshirilayotgan keng ko‘lamli ezgu ishlar hamda oldinda turgan ustuvor vazifalar xususida fikr almashildi.
Aytib o‘tish joizki, yaqin vaqt ichida Qoraqalpog‘istonda chin ma’noda tarixiy ahamiyatga ega islohotlar amalga oshirilib, aholi va tadbirkorlik subyektlari, jamiyatning barcha qatlamlari uchun ilgari bo‘lmagan keng imtiyoz va imkoniyatlar yaratildi. Ushbu islohotlar va tashabbuslar uchrashuv davomida aniq misollar bilan yoritib berildi.
Shundan so‘ng ishtirokchilarning taklif va mulohazalari tinglanib, kelgusida amalga oshirilishi lozim bo‘lgan muhim vazifalar belgilab olindi.
Uchrashuv yakunida yurtimiz taraqqiyoti yo‘lida munosib hissa qo‘shayotgan bir guruh madaniyat xodimlari va din vakillari Qoraqalpog‘iston Respublikasi Jo‘qorg‘i Kengesining Raisi tomonidan munosib rag‘batlantirildi.
Qoraqalpog‘iston musulmonlari qoziyoti
Matbuot xizmati