Sayt test holatida ishlamoqda!
30 Noyabr, 2025   |   9 Jumadul soni, 1447

Toshkent shahri
Tong
06:04
Quyosh
07:28
Peshin
12:17
Asr
15:14
Shom
16:59
Xufton
18:17
Bismillah
30 Noyabr, 2025, 9 Jumadul soni, 1447

Muftiy hazratlari Qashqadaryodagi masjidda juma namozini ado etdilar

27.11.2020   6023   3 min.
Muftiy hazratlari Qashqadaryodagi masjidda juma namozini ado etdilar

Bugun, 27 noyabr' kuni O'zbekiston musulmonlari idorasi raisi, muftiy Usmonxon Alimov hazratlari, Din ishlari bo'yicha qo'mita raisi Abdug'ofur Ahmedov va “Vaqf” xayriya jamoat fondi rahbari Yahyo Abdurahmonov Qashqadaryo viloyati Shahrisabz shahrida joylashgan “Ho'jamurod baxshi” jome masjidi yangi binosi ochilishida qatnashdilar.

Alloh taologa shukrki, yurtimizda hukm surayotgan tinchlik-omonlik va dinimizga bo'lgan yuksak e'tibor sabab, masjidlarda bunyodkorlik va qayta qurish ishlari qizg'in davom etmoqda.

“Ho'jamurod baxshi” jome masjidi bir necha yillar avval hashar yo'li bilan qurilgan edi. O'tgan davr mobaynida masjid binosi eskirib, poydevorlari yaroqsiz holga kelib qoldi. Qolaversa, oxirgi paytlarda masjid jamoati sezilarli darajada ortib, xonaqoh torlik qilayotgandi.

Shu sababli mahalla ahli ezgu niyat bilan masjidni qayta qurish taklifini ilgari surishdi. Ushbu xayrli tashabbus O'zbekiston musulmonlari idorasi tomonidan qo'llab-quvvatlangach qayta qurish ishlari amalga oshirildi. Masjid milliy andozalar va zamonaviy talablar asosida barpo etilib, hovlisida bog' va atrofida avtoturargoh ham bunyod qilindi.

Bugun, 27 noyabr' kuni xizmat safarini davom ettirayotgan muftiy Usmonxon Alimov hazratlari “Ho'jamurod baxshi” jome masjidida namozxonlar ishtirokida juma namozini ado etdilar.
Muftiy hazratlari o'z mav'izalarida masjid ahlini ushbu Allohning uyi bilan tabrik qilib, jumladan shunday so'zlarni bildirdilar:

– Alloh taologa hamdu sanolar bo'lsinki, buyuk allomalar yurti bo'lmish yurtimizda so'nggi yillarda masjid-madrasalar qurish odatiy jarayonga aylanib bormoqda. Har kuni yurtimizning turli viloyatlaridan yangi-yangi masjid qurilayotgani yoki qurib bitkazilib, ishga tushgani haqida xushxabarlar kelib turibdi, ko'plarida o'zimiz ham ishtirok qilyapmiz.

Endilikda mana shunday ko'rkam masjidlarda imom-domlalarimiz xalqimizga, ayniqsa, yoshlarimizga Islom dini ma'rifatini etkazish, ularning ta'lim-tarbiyasini yaxshilash va ezguliklar tarqatish ishida juda ham faol bo'lishlari zarur.

Muftiy hazratlari so'zlarining davomida Payg'ambarimiz Muhammad sollallohu alayhi vasallamning «Kim bir masjid qursa, Alloh unga jannatda shuning mislini qurib beradi», degan hadisi shariflarini keltirib, mazkur jomeni barpo etishga hissa qo'shgan barchaning haqqiga duolar qildilar. Ushbu fayzli juma namozida ulamolar, mahalla faollari, mo'ysafid otaxonlar va masjid qavmi ishtirok etdi.

Alloh taolo ushbu jome masjidni xalqimizga muborak aylasin!

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

«Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada Diniy idoramiz vakili ishtirok etdi

26.11.2025   12907   3 min.
«Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada  Diniy idoramiz vakili ishtirok etdi

Rossiya musulmonlari Markaziy diniy idorasining taklifiga asosan Ufa shahrida o‘tkazilgan «Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada O‘zbekiston musulmonlari idorasi vakili Ibrohimjon domla Inomov ishtirok etdi.

Rossiya musulmonlari Markaziy diniy idorasi, Moskva shahridagi Islom madaniyati, fan va ta’limni qo‘llab-quvvatlash jamg‘armasi va Boshqirdiston Respublikasi Rahbari huzuridagi davlat-din munosabatlari kengashi tomonlaridan tashkil etilgan anjumanda 600 dan ziyod mehmonlar qatnashdilar.

Bahrayn, Misr, Iordaniya, Tunis, Turkiya, Iroq, Eron, Hindiston, Germaniya, Amerika Qo‘shma Shtatlari, Kanada, Saudiya Arabistoni Qirolligi, Marokash, Falastin, Mo‘g‘uliston, Qirg‘iziston, Qozog‘iston, Tojikiston, Ozarbayjon, Belarus, O‘zbekiston Respublikasi va bir qator xalqaro tashkilotlar vakillari tashrif buyurdilar.

Shuningdek davlat hokimiyati organlari vakillari, ilmiy va ekspert jamoatchiligi, ta’lim muassasalari, oliygoh o‘qituvchilari va talabalari, Rossiya Federatsiyasi subyektlaridan diniy va jamoat arboblari, an’anaviy konfessiyalar diniy peshvolari hamda Islom olami universitetlari federatsiyasi va Islom ta’lim, fan va madaniyat tashkiloti (ICESCO) vakillari ishtirok etdilar.

Boshqirdiston Respublikasi Davlat Assambleyasi – Qurultoy da o‘tkazilgan Konferensiyadan ko‘zlangan maqsad – ma’naviy-axloqiy qadriyatlarni mustahkamlash, dinlararo va millatlararo tinchlik va totuvlikni rivojlantirish, Rossiya va Yevroosiyo makonidagi musulmon ummati bunyodkorlik salohiyatini oshirishga qaratilgan taklif va tashabbuslarni ishlab chiqishdan iborat.

Xalqaro konferensiya doirasida Rossiya musulmonlari Markaziy diniy idorasi raisi, Muftiy Talgat Safa Tadjuddin hazratlari O‘zbekiston musulmonlari idorasi vakili Ibrohimjon domla Inomov bilan uchrashuv o‘tkazdi.

Muftiy hazrat suhbatni o‘zi boshlab, tashrif uchun minnatdorlik izhor etib, o‘zining eng katta va iliq samimiy salomlarini, eng yaxshi tilak va xayrli duolarini O‘zbekiston musulmonlari idorasi raisi, muftiy Shayx Nuriddin Xoliqnazar hazratlariga albatta yetkazishni bir necha bor ta’kidlab o‘tdi.

Rossiya musulmonlari Markaziy diniy idorasi raisi, Muftiy Talgat Safa Tadjuddin hazratlarining O‘zbekistonga, Buxoroga, O‘zbekiston xalqiga mehri o‘zgacha baland ekanligi namoyon bo‘lib turadi.

 

Uchrashuv davomida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining ham salomlari Diniy idoramiz vakili tomonidan hurmat bilan yetkazildi.

XVI Xalqaro ilmiy-amaliy konferensiya so‘ngida “Rossiya musulmonlari Markaziy diniy idorasi raisi, Muftiy Talgat Safa Tadjuddin hazratlarining din va Vatan yo‘lidagi 45 yillik ma’naviy xizmatiga bag‘ishlangan tantanali tadbirlar”da O‘zbekiston musulmonlari idorasi vakili Ibrohimjon domla Inomov so‘zga chiqib, O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining Tabriknomalarini hurmat bilan yetkazdi.

Hamda Muftiy Talgat Safa Tadjuddin hazratlariga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining nomlaridan milliy qadriyatlarimiz bo‘yicha milliy zar chopon taqdim etildi.

O‘zbekiston delegatsiyasi tomonidan ko‘rsatilgan bunday yuqori ehtirom va hurmatdan juda qattiq mamnunligini Muftiy Talgat Safa Tadjuddin hazratlari ko‘z yoshlari ila dildan mehr bilan izhor etdi.

Xizmat safari davomida Xalqaro konferensiyaga tashrif buyurgan bir qator mehmonlar bilan bo‘lgan suhbatlarda delegatsiyamiz vakili tomonidan bugungi kundagi mamlakatimizdagi qilinayotgan ishlar to‘g‘risida to‘xtalib, davlatimiz va hukumatimiz tomonlaridan yurt tinchligi, xalq farovonligi va salomatligi, dinimiz obodligi uchun behisob darajada ishlar olib borilayotganligini yoritib, bugungi kundagi mamlakatimizdagi hamma sohalarda, ayniqsa diniy sohada juda ham katta islohotlar, misli ko‘rilmagan yangiliklar to‘g‘risida xabar berib o‘tildi.

 

 

«Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada  Diniy idoramiz vakili ishtirok etdi «Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada  Diniy idoramiz vakili ishtirok etdi «Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada  Diniy idoramiz vakili ishtirok etdi «Islom ideallari va qadriyatlari: Bir Ummat – umumiy taqdir» nomli XVI Xalqaro ilmiy-amaliy konferensiyada  Diniy idoramiz vakili ishtirok etdi
Yangiliklar