Turkmaniston davlat axborot agentligi xabariga ko'ra, Gurbanguli Berdimuhamedov Bolqon viloyatiga safari doirasida mintaqadagi bosh jome masjidning ochilish marosimida ishtirok etdi, deb xabar bergan.
Bolqonobodda oq marmar bilan bezatilgan muhtasham masjid viloyat ma'muriy markazining asosiy diqqatga sazovor joylaridan biriga aylangan. Majmuaning umumiy maydoni 14 gektardan ortiq.
Majmua arxitekturasi, shuningdek, Islom madaniyati uchun xos dekorativ elementlar bilan bezatilgan to'rtta minorani ham o'z ichiga oladi. Masjidning markaziy gumbazida tilladan yasalgan yarim oy o'rnatilgan. To'rt minoraning har birining balandligi 63 metrni, gumbazning balandligi esa 40 metrni tashkil qiladi. Ichki bezaklarni bezashda marmar, granit va yog'ochdan foydalanilgan. Ikki qavatli masjid binosiga 3000 nafar namozxon sig'ishi mo'ljallangan.
Masjidda xayriya qiluvchilar uchun maxsus bino, 50 o'rinli mehmonxona va avtoturargoh mavjud.
Masjid atrofi ko'kalamzorlashtirilib, uch mingdan ortiq daraxt ko'chati o'tqazilgan.
azon.uz
"16 noyabr – Xalqaro bag‘rikenglik kuni" munosabati bilan joriy yilning 14 noyabr kuni bir guruh diniy soha xodimlari "Diniy bag‘rikenglik" ko‘krak nishoni bilan taqdirlandilar.
Tadbirda turli vazirlik va idoralar, jamoat tashkilotlari va diniy konfessiya vakillari, milliy madaniy markazlar faollari, yurtimizda millatlararo do‘stlik va diniy bag‘rikenglik rishtalarini mustahkamlashga munosib hissa qo‘shayotgan hamyurtlarimiz hamda OAV vakillari qatnashdi.
Din ishlari bo‘yicha qo‘mita raisi Sodiq Toshboyev yuksak mukofotga sazovor bo‘lganlarni samimiy muborakbod etib, bugun yurtimiz ravnaqi yo‘lida fidokorona mehnat qilayotgan hamyurtlarimizga katta muvaffaqiyatlar tiladi va yuksak mukofotlarni o‘z egalariga topshirdi.
Jumladan, O‘zbekiston musulmonlari idorasi va tizimda samarali faoliyat yuritayotgan xodimlardan Islomiddin Zuhriddinov, Salohiddin Sherxonov, Muzaffar Kamolov, Ibrohimjon Inomov, Dilfuza Egamova, Ergashali Rustamov, Jahongir Ne’matov, Ergashvoy Hamidov, Sanobar Muhammadxodjayeva, Shoira Umarova, mehnat faxriylari Jaloliddin Nuriddinov, Mahmudjon Ibodullayev, xattot Habibulloh Solih ana shunday e’tibor va ehtiromga sazovor bo‘lishdi.
Tantanali tadbirda so‘zga chiqqanlar tomonidan yurtimizda davlatimiz rahbari tomonidan diniy-ma’rifiy sohada amalga oshirilayotgan ishlar natijasida fuqarolarning vijdon erkinligi, din va millatlararo totuvlik ta’minlanayotgani, mazkur ko‘krak nishonining ta’sis etilgani diniy sohaga bo‘lgan yuksak e’tiborning yaqqol namunasi ekani ta’kidlandi.
Ma’lumot uchun, Vazirlar Mahkamasining 2023 yil 25-sentabrdagi "Diniy bag‘rikenglik" ko‘krak nishonini ta’sis etish to‘g‘risida"gi qaroriga ko‘ra, ushbu ko‘krak-nishoni bilan diniy-ma’rifiy sohadagi islohotlarni targ‘ib etish, fuqarolar e’tiqod erkinligini ta’minlash, dinlararo hamjihatlikni mustahkamlash va ma’naviy muhit barqarorligini saqlashdagi ibratli ishlari uchun yetuk ulamolar, atoqli arboblar, diniy soha rahbarlari, xalqaro tashkilotlar vakillari hamda xorijiy olimlar taqdirlanishi belgilangan.
O‘zbekiston musulmonlari idorasi
Matbuot xizmati