Indoneziyaning Sharqiy Yava viloyati Malang mintaqasida joylashgan “Tiban” masjidi musulmon va g'ayri musulmonlarning sevimli maskani sanaladi.
Jome mezana ko'rinishidagi kichik binolari, naqshinkorligi bilan ajralib turadi, go'zalligi bilan sayyohlarni o'ziga jalb qiladi. Bu erga har kuni Malayziya, Bruney va boshqa davlatlardan minglab sayyohlar tashrif buyuradi.
Muhtasham 10 qavatli masjid binosi 6 gektar maydonda 1968-1978 yillarda (10 yil) barpo etilgan. Uning devorlariga Qur'on oyatlari naqshinkor uslubda o'yib yozilgan.
Masjid o'tmishda turli xil vazifalarni bajargan. Hozir bu erda islomiy ta'lim markazi tunu kun faoliyat yuritadi. Shuningdek, majmuadan restoran, oshxona, mehmonxona, namozgoh, islomiy kutubxona va akvarium ham o'rin olgan.
“Tiban” masjidi me'moriy inshoot sifatida arab mamlakatlari, Tailand va Indoneziya mohir hunarmandlari hamkorlikdagi mehnati mahsuli.
O'zbekiston musulmonlari idorasi
Halqaro aloqalar bo'limi
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Imom Termiziy nomidagi islom instituti va ta’lim muassasalari faoliyati bilan tanishdi
Shu yil 27 fevral kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Imom Termiziy nomidagi islom instituti, “Imom Termiziy” o‘rta maxsus islom ta’lim muassasasi hamda Imom Termiziy xalqaro ilmiy-tadqiqot markazida bo‘ldilar.
Tanishuv asnosida Muftiy hazratlari yangi barpo etilayotgan institut va madrasa binolarining qurilish jarayoni, zamonaviy o‘quv xonalari, ma’ruza zallari, kutubxona, yotoqxona va ma’naviy-ma’rifiy tadbirlar o‘tkazishga mo‘ljallangan maskan loyihasi bilan tanishdi.
Qurilish ishlari ko‘zdan kechirilib, mas’ullarga barpo etilayotgan inshootlarda puxtalik, zamonaviylik va qulaylik tamoyillariga qat’iy rioya etish bo‘yicha tegishli tavsiya va ko‘rsatmalar berildi.
“Imom Termiziy” ta’lim muassasasi
Matbuot xizmati