Bugun, 17 noyabr' kuni Samarqand viloyati vakilligi binosida O'zbekiston musulmonlari idorasi raisi o'rinbosari Ibrohimjon Inomov, Fatvo bo'limi mutaxassisi Sobir Orziqulov va Hotin-qizlar bilan ishlash bo'limi mutaxassislari Munira Abubakirova, Maryam Abdullayevalar ishtirokida viloyatda faoliyat yuritayotgan otinoyilar bilan uchrashuv tashkil etildi. Undan otinoyilar bilim va saviyasi, vazifasiga mas'uliyat bilan yondashish malakasini oshirish, sohadagi so'nggi yangiliklardan voqif etish ko'zlandi.

Davra suhbatida otinoyilar bilim va dunyoqarashi, odamlar bilan munosabati, marosim o'tkazish bo'yicha malakasi, bugungi kun talabiga javob berishi o'rganib chiqildi. O'z navbatida, otinoyilar o'zlarini qiziqtirgan savollarga atroflicha javoblar olishdi.

Shuningdek, tadbirda ustozlar otinoyilar o'z ustida tinimsiz ishlashi, bilim saviyasi va kasbiy mahoratini oshirishi, yurt ravnaqi yo'lida ko'proq harakat qilishi lozimligini ta'kidlashdi.

O'zbekiston musulmonlari idorasi Matbuot xizmati