O'zbekiston musulmonlari idorasi tasarrufidagi oliy va o'rta maxsus islom ta'lim muassasalarida o'quv jarayonlari masofaviy darslardan an'anaviy darslarga o'tkazilishi 1-kurslar uchun 2020 yilning 16 noyabridan, qolgan kurslar uchun joriy yilning 20 noyabridan boshlanishi belgilandi.

Shu munosabat bilan, barcha diniy ta'lim muassasalarida o'qituvchi va talabalarning karantin talabdariga qat'iy amal qilishlari uchun barcha sharoitlar hozirlandi. Jumladan, pedagog-o'qituvchilari COVID-19 kasalligi uchun topshirishlari hamda o'quv binolari, talabalar turar joyilari, talabalar oshxonalari sanitariya-gigiyena va karantin talablariga mos holda belgilangan tartibda dezinfektsiya qilish ishlari amalga oshirildi.

Shuningdek, har bir o'quv auditoriyalarini etarli miqdorda antiseptik vositalar bilan ta'minlash, belgilangan tartibda har kuni dezinfektsiya qilish, o'quv auditoriyalarida ijtimoiy masofani saqlash, o'quv-mashg'ulotlari davomiyligini 60 daqiqadan oshmasligini belgilash hamda bir kunda uch juftlikdan ko'p o'quv-mashg'ulotlari o'tkazilmaslik va talabalar, pedagog-o'qituvchi va xodimlarning tibbiy niqobda yurishlari kerakligi kabi bir qancha chora-tadbirlar joriy qilindi.

O'zbekiston musulmonlari idorasi Matbuot xizmati