28 oktyabr' kuni dunyodagi eng baland masjidda birinchi jamoa namozi o'qildi. Jazoir katta masjidida jamoa namoz Payg'ambar Muhammad ﷺ tug'ilgan kuni sharafiga bo'lib o'tdi. Musulmonlar masjidi Jazoirning sobiq Prezidenti Abdulaziz Buteflika tashabbusi bilan qurilgan. Islam.ru xabariga ko'ra, u bir yarim yil oldin yakunlandi. Jazoirning yangi masjidi 267 metr balandlikdagi dunyodagi eng katta minoraga ega. Ushbu minoraning 43 qavatiga panoramali liftlar xizmat ko'rsatadi.
Masjidning katta namozgohi 120 000 gacha ibodat qiluvchilarni sig'dira oladi. Uning ichki qismi olti kilometrlik Arab hattotligi bilan yozilgan Qur'ondan oyatlar, qimmatbaho yog'och, marmar va alebastr bezaklari hamda gul naqshli feruza gilamlar bilan bezatilgan.
Masjid 27,5 gektar maydonni qamrab olgan bo'lib, Makka va Madinadagi masjidlardan keyin dunyodagi uchinchi yirik masjid, Afrikadagi eng katta masjid hisoblanadi.

O'zbekiston musulmonlari idorasi matbuot xizmati