Sayt test holatida ishlamoqda!
23 Fevral, 2026   |   6 Ramazon, 1447

Toshkent shahri
Tong
05:49
Quyosh
07:07
Peshin
12:41
Asr
16:23
Shom
18:10
Xufton
19:22
Bismillah
23 Fevral, 2026, 6 Ramazon, 1447

Alloh va Uning Rosulidan yuz o'git I 17-o'git: Yomon gumondan chetlaning!

21.10.2020   2303   3 min.
Alloh va Uning Rosulidan yuz o'git I 17-o'git: Yomon gumondan chetlaning!

Alloh va Uning Rosulidan yuz o'git!  17-o'git: Yomon gumondan chetlaning!

Alloh taolo shunday marhamat qilgan: Ey, mo'minlar, ko'p gumon(lar)dan chetlaninglar! Chunki ba'zi gumon(lar) gunohdir! (Hujurot surasi 12-oyat)

Abu Hurayra roziyallohu anhudan rivoyat qilingan bir hadisda shunday jumlalar keladi: «Rasululloh sollallohu alayhi vasallam: «Badgumonlikdan saqlaning. Albatta, badgumonlik eng yomon yolg'onchilikdir.....  dedilar». (To'rtovlari rivoyat qilgan)

         Hulosa:

  1. Hitob xossatan mo'minlarga bo'lmoqda. Ushbu xitob orqali Alloh taolo O'ziga iymon keltirgan kishilarni yana bir jirkanch amalni tark qilishlikka buyurmoqda.
  2. Gumondan murod badgumonlik, ya'ni, kishilar yoki ularning amallari, gap so'zlari va boshqa holatlari haqida aniq ma'lumotga, arzirli asosga ega bo'lmagan holda shubhalanish, hadiksirashdir.
  3. Alloh taolo bizni aynan shu narsadan qaytarmoqda. Chunki, badgumonlik sababli bir kishiga yoki jamiyatga nisbatan tuhmat, ig'vo va hasad kabi boshqa illatlar paydo bo'ladi. Bu esa musulmonlar orasida hamjihatlik va birdamlikni yo'qolishiga, o'zaro ishonchsizlik va tafriqalanishga sabab bo'ladi.
  4. Shu va shu kabi boshqa illatlarning paydo bo'lishligiga sabab bo'lgani uchun yomon gumon qilishning o'zi ham gunohdir.
  5. Rosululloh sollallohu alayhi vasallam badgumonlikni yolg'onning eng yomonidir dedilar. Chunki, gumonda aniq asos bo'lmaydi. Asosi yo'q har qanday gapni gapirish, hox eshitgani bo'lsin, hox u qalbidagi o'y hayol bo'lsin, yolg'on deyiladi va bunday so'zga ishonishlik, o'zgalarga etkazishlik hamda xulosa qilishlik mumkin emas.
  6. Din faqat aniq asoslarga, faktlarga suyanadi. Har xil dedi-dedi, mish-mish yoki kishining qalbidagi gumoni sabab hech kimga xulosa yoki jazo bermaydi. Aksincha, har qanday mujmallikni qoralaydi.

Alloh taolo qalbimizni salomat qilsin. Musulmon birodarlarimizga nisbatan yomon gumonda bo'lishlikdan, gumon sababli kimnidir yomon ko'rishdan, o'zgalarga shubha bilan qarashdan O'zi asrasin!

 

Olmazor tumanidagi

“Mevazor” masjidi imom noibi:

Yorbek Islom

Maqolalar
Boshqa maqolalar
Yangiliklar

Bog‘otda yangi qurilgan "Mirhoshim bobo" masjidi foydalanishga topshirildi

23.02.2026   640   1 min.
Bog‘otda yangi qurilgan

Bog‘ot tumanida yangidan qurib bitkazilgan "Mirhoshim bobo" jome masjidining ochilish marosimi o‘tkazildi. Unda Xorazm viloyati bosh imom-xatibi Xayrulla domla Abdullayev, Bog‘ot tumani bosh imom-xatibi Rashidbek domla Ernazarov, mutasaddilar, mahalla ahli jam bo‘lishdi.

Qur’oni karim tilovatidan so‘ng bu masjidning to qiyomatgacha Alloh taologa ibodat qilinadigan, tarovehlar, xatmi Qur’onlar, zikru tasbehlar qilinadigan sajdagoh bo‘lishini, yangi masjid xalqimiz e’tiqodi, ma’rifatini mustahkamlashda hidoyat va ziyo maskani bo‘lib ko‘p yillar xizmat qilishini so‘rab, bu xayrli ishda ko‘makchi bo‘lgan barcha ezgu niyatli kishilar haqlariga duolar qilindi. 

Ochilish marosimidan so‘ng yangi masjidda ilk juma namozi ado etildi.

Juma namozidan oldin jomega yig‘ilgan jamoatga “Ramazon – ezgulik va yaxshilik oyi” mavzusida suhbat qilib berildi. 

Go‘zal suhbat oxirida Xayrulla domla Haq taolo barchaga ikki dunyo saodatini nasib qilishini so‘rab, elu yurtimiz haqqiga xayrli duolar qildi. 

Zamaxshariy.uz 

Bog‘otda yangi qurilgan Bog‘otda yangi qurilgan Bog‘otda yangi qurilgan Bog‘otda yangi qurilgan Bog‘otda yangi qurilgan Bog‘otda yangi qurilgan Bog‘otda yangi qurilgan
O'zbekiston yangiliklari