Bugun, 16 sentyabrda O'zbekiston musulmonlari idorasi tasarrufidagi o'rta maxsus islom ta'lim muassasalariga kirish imtihonlari bo'lib o'tmoqda. Test jarayonlarini Davlat test markazi olib bormoqda.
Ayni paytda yurtimizdagi mavjud 10 ta madrasadan 8 tasida, ya'ni Qoraqalpog'istondagi “Muhammad al-Beruniy”, Andijondagi “Sayyid Muhyiddin Maxdum”, Namangandagi “Hidoya”, Buxorodagi “Mir arab” va “Jo'ybori kalon”, Horazmdagi “Faxriddin ar-Roziy”, Surxondaryodagi “Imom Termiziy”, Qashqadaryodagi “Hoja Buxoriy” o'rta maxsus islom ta'lim muassasalarida bo'lib o'tmoqda.
Toshkentdagi “Ko'kaldosh” va “Hadichai Kubro” o'rta maxsus islom bilim yurtlarida esa imtihon o'tkazilgani yo'q. Ularda imtihon ertaga, 17 sentyabrda bo'lib o'tadi.
Eslatib o'tamiz, O'zbekiston musulmonlari idorasi tasarrufidagi o'rta maxsus islom ta'lim muassasalarida 2020-2021 o'quv yili bo'yicha quyidagi fanlardan qabul imtihonlari o'tkaziladi:
- 1-blok “Chet tili” 30 ta savol, har bir to'g'ri javobga 3.2 ball beriladi, jami 96 ball;
- 2-blok “Tarix” 30 ta savol, har bir to'g'ri javobga 3.1 ball beriladi, jami 93 ball.
Qabul imtihonlari test sinovi shaklida o'tkaziladi.







Madrasalarga qabul imtihonlari tafsilotini saytimizda kuzatib boring.
O'zbekiston musulmonlari idorasi Matbuot xizmati
Ramazon Qur’oni karim nozil bo‘lgan, inson qalbini poklaydigan, nafsini jilovlaydigan, go‘zal fazilatlarni namoyon etadigan oy. Shu bois, bu muborak oyning har bir lahzasini g‘animat bilib, solih amallar, toat-ibodat va yaxshiliklar ila o‘tkazishimiz lozim. Zero, Rasululloh sollallohu alayhi vasallam Imom Bayhaqiydan rivoyat qilingan hadisi sharifda: “U (Ramazon) mo‘min uchun g‘animatdir”, deb qutlug‘ oydan unumli foydalanishga chaqirganlar.